پارلامەنتتىڭ جاڭادان سايلانعان دەپۋتاتتارى قازاقستان حالقىنا انت بەردى

استانا. قازاقپارات - بۇگىن پارلامەنت سەناتىنىڭ جالپى وتىرىسىندا جاڭادان سايلانعان دەپۋتاتتار انت بەردى، دەپ حابارلايدى قازاقپارات.

انت بەرگەندەردىڭ قاتارىندا ساۋلە ايتبايەۆا، رىسقالي ابدىكەروۆ، داۋرەن ادىلبەكوۆ، ۆلاديمير ۆولكوۆ، عۇمار دۇيسەمبايەۆ، مۇحتار جۇماعازيەۆ، نۇرلان قىلىشبايەۆ، ەدىل مامىتبەكوۆ، دۇيسەنعازى مۋسين، تالعات مۇسابايەۆ، ءابدالى نۇراليەۆ، نۇرجان نۇرسيپاتوۆ، ەرىك سۇلتانوۆ، ناريمان تورەعاليەۆ بولدى.

«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن!»، - دەدى انت بەرگەن سەناتورلار.

ەسكە سالايىق، ق ر پارلامەنتىنىڭ سەناتىنا سايلاۋ پرەزيدەنتتىڭ 2017-جىلعى 28- ساۋىردەگى جارلىعىنا، ق ر كونستيتۋتسياسىنا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا سايكەس جۇرگىزىلدى. ءار وبلىستان، استانا جانە الماتى قالالارىنان ءبىر دەپۋتاتتان، بارلىعى 16 دەپۋتات سايلاندى. سايلانعان دەپۋتتاردىڭ 7 ەۋىن ءماسليحاتتار ۇسىنسا، 9 ى ءوزىن-ءوزى ۇسىنعاندار.