پەنتاگون ا ق ش- قا قاتەر تونسە اسكەري جاۋاپ قايتارىلاتىندىعىنا ۋادە بەردى
جەكسەنبى كۇنى ا ق ش پرەزيدەنتى دونالد ترامپ ءوزىنىڭ اكىمشىلىگى مۇشەلەرىمەن جينالىس بارىسىندا جاقىندا عانا يادرولىق قارۋ سىناعىن وتكىزگەن سولتۇستىك كورەيا ارەكەتتەرىنە جاۋاپ رەتىندەگى اسكەري دايىندىقتارمەن تانىستى.
«گۋام نەمەسە ءبىزدىڭ وداقتاستارىمىزدىڭ تەرريتورياسىن قوسقاندا، ا ق ش- قا جانە ونىڭ اۋماعىنا جاسالاتىن كەز كەلگەن قاۋىپ- قاتەرگە اۋىر ءارى ولاردىڭ وزىنەن اسىپ تۇسەتىن اسكەري جاۋاپ قايتارىلاتىن بولادى»، - دەدى مەتتيس.
مەتتيستىڭ ايتۋىنشا، ا ق ش مۇمكىندىگى بولا تۇرا، ك ح د ر- دى تولىقتاي جويىپ جىبەرۋگە نيەتتى ەمەس. جۋرناليستەردىڭ ا ق ش سولتۇستىك كورەياعا شابۋىل جاساۋدى جوسپارلاي ما دەگەن ساۋالىنا دونالد ترامپ «كورەمىز» دەپ جاۋاپ بەرگەن بولاتىن. بۇعان دەيىن ك ح د ر قۇرلىق ارالىق بالليستيكالىق زىمىرانداردى جابدىقتاۋعا ارنالعان سۋتەكتى سوعىس قۇرالدارىنداعى جارىلعىش زاتتار سىناعىنىڭ ءساتتى اياقتالعانىن مالىمدەگەن.