وزبەكستان باسشىسى سامارقاندقا ساپارىن مەموريالدىق كەشەن ورناتىلعان يسلام كاريموۆتىڭ قابىرىنە بارۋدان باستادى. يسلام كاريموۆتىڭ ەسكەرتكىشى رەگيستان الاڭىنىڭ جانىنداعى ساياباقتا ورناتىلعان. وعان جاقىن ماڭدا تۇڭعىش پرەزيدەنتتىڭ تۋىپ- وسكەن ءۇيى بار. مونۋمەنتتى شاۆكات ميرزييەيەۆ پەن تۇڭعىش پرەزيدەنتتىڭ جەسىرى تاتيانا كاريموۆا اشتى. ەسكەرتكىشتىڭ تۇبىنە گۇل شوقتارى قويىلىپ، وزبەكستان رەسپۋبليكاسىنىڭ ءانۇرانى شىرقالدى. 31 - تامىز كۇنى تاشكەنتتەگى وكساروي رەزيدەنتسياسىنىڭ الدىندا وزبەكستاننىڭ تۇڭعىش پرەزيدەنتى يسلام كاريموۆتىڭ ەسكەرتكىشى اشىلدى.
02:07, 04 قىركۇيەك 2017
سامارقاندتا يسلام كاريموۆتىڭ ەسكەرتكىشى اشىلدى
استانا. قازاقپارات - سامارقاندتا وزبەكستاننىڭ تۇڭعىش پرەزيدەنتى يسلام كاريموۆتىڭ ەسكەرتكىشىنىڭ سالتاناتتى اشىلۋى بولدى. اشىلۋ سالتاناتىنا مەملەكەت باسشىسى شاۆكات ميرزييەيەۆ قاتىستى، دەپ حابارلايدى uznews.uz.