شىمكەنتتىكتەر قۇربان ايتتا قوعامدىق كولىكتە تەگىن جۇرەدى

شىمكەنت. قازاقپارات - شىمكەنتتە قۇربان ايت كۇنى قوعامدىق كولىك جولاۋشىلاردى تەگىن تاسىمالدايدى.

بۇل تۋرالى قالا اكىمدىگىنىڭ الەۋمەتتىك جەلىدەگى رەسمي پاراقشاسىندا ءمالىم بولدى، دەپ حابارلايدى «قازاقپارات» ح ا ا ءتىلشىسى.

اكىمدىكتىڭ الەۋمەتتىك جەلىدەگى پاراقشاسىندا قاي اۆتوبۋستىڭ تەگىن تاسىمالدايتىنى كورسەتىلگەن.

«شىمكەنت تۇرعىندارى مەن قالا قوناقتارىنىڭ نازارىنا! ەرتەڭ قۇربان ايت مەرەكەسىنە وراي، شىمكەنت قالاسى اكىمدىگىنىڭ ۇسىنىسىمەن جانە GREEN BUS سەرۆيس كومپانياسىنىڭ قولداۋىمەن N17 باعىتتاعى شاعىن اۆتوبۋس حالىققا تەگىن قىزمەت كورسەتەدى» دەلىنگەن پاراقشادا.

ايتا كەتەيىك، اتالمىش اۆتوبۋس قالانىڭ ورتالىق بازارى مەن بىرنەشە شاعىن اۋدارداندى ءجۇرىپ ءوتىپ، دوستىق شاعىن اۋدانىنا دەيىن قاتىنايدى.