اقتوبەدە كۇننەن قۋات الاتىن زاماناۋي كيىز ءۇي قۇرىلدى - فوتو

اقتوبە. قازاقپارات - اقتوبەدە كۇننەن قۋات الاتىن كيىز ءۇي قوندىرىلدى.

كاسىپكەر باقتاشىلارعا ارنالعان ەكى قاباتتى ۇيگە بەينەباقىلاۋ كامەراسىن قوندىرىپ بەرگەن، دەپ حابارلايدى قازاقپارات ءتىلشىسى.

اقتوبە قالاسىنىڭ سازدى وزەنى ماڭىنداعى قىردا التى قاناتتى كيىز ءۇي ورناتىلدى. ەكى قاباتتى كيىز ۇيگە ءىرى قارا باعاتىن باقتاشى مەن ونىڭ كومەكشىسى قونىستانعان. ءار جىلقىدا GPS نوۆيگاتور بار. ءارى بيىك جەرگە بەينەباقىلاۋ كامەراسى قوندىرىلعان. بۇل جايىلىمدا جۇرگەن مالدى باقىلاپ، قاراپ، قاجەت كەزدە ايداپ كەلۋگە ىڭعايلى قۇرال.

 

«العاشىندا جەلدەن قۋات الاتىن قوندىرعىنى الىپ، تاجىريبەدەن وتكىزگەن ەدىك. جەل قاتتى سوققان كۇنى تەحنيكالار ىستەن شىعىپ، كۇننەن قۋات الاتىن باتارەيالارعا كوشتىك. وتە ىڭعايلى. كۇننەن قۋات الىپ، بۇلاق سۋىنا ماتور ورناتىپ قويدىق. ءقازىر سۋ ۇزدىكسىز كەلىپ تۇر. تەلەديدار قاراپ، بەينەكامەرالار ارقىلى جايىلىمدى قاراپ وتىرۋعا بولادى» ، - دەدى كاسىپكەر ەربول بايجارقىنوۆ.

 

كۇننەن قۋات الاتىن باتارەيامەن جابدىقتالعان كيىز ءۇيدىڭ كەرەگە، ۋىق، شاڭىراعى بار. تەك پلاستيكالىق ەسىك قوندىرىلىپ، قابىرعاسى لەگو كىرپىشتەن قالانعان. ءۇيدىڭ ءىشى كيىزبەن قاپتالدى. ءۇي قىستا پەشپەن جىلىتىلادى. «كيىز ءۇي زاماناۋي ۇيدەن كەم تۇسپەيدى. جۋىناتىن بولمە، دارەتحاناسى بار. تومەنگى قاباتتا باقتاشى تىنىعادى. جاتىن بولمە جازدا سالقىن، قىستا جىلى بولادى. ىستىق كەزىندە سالقىنداتقىش پايدالانبايمىز»، - دەدى كاسىپكەر.

 

كاسىپكەر ەربول بايجارقىنوۆ التى قاناتتى 10 كيىز ءۇيدى اقتوبە قالاسىنداعى نازاربايەۆ زياتكەرلىك مەكتەبىنىڭ جانىنا ورناتۋدى كوزدەپ وتىر. ەتنواۋىل قالا تۇرعىندارى مەن قوناقتارىنىڭ سۇرانىسىنا يە بولاتىنىنا سەنىمدى.