الماتىدا قىمبات كولىك ۇرلاپ جۇرگەندەر ۇستالدى

 الماتى. قازاقپارات - الماتى پوليتسياسى اۋەزوۆ اۋدانىنداعى بىرنەشە كولىك ۇرلىعىنا قاتىستىلاردى قولعا ءتۇسىردى، دەپ حابارلايدى قازاقپارات.

 پوليتسيا قىزمەتكەرلەرى ولاردى قولعا ءتۇسىرۋ ءۇشىن بەينەتۇسىرىمدەردى پايدالانعان. «ۇيىمداسقان قىلمىستىق توپ بىرنەشە «توياتا» كامري كولىكتەرىن ۇرلاعان. العاشقى كۇندەرى- اق ءبىز ولاردىڭ قىرعىز ەلىنە ءوتىپ جۇرگەن جولىن تاۋىپ، ىزىنە تۇستىك. ارى قاراي، تولىق مالىمەتتەر جيناۋ ءۇشىن ولارعا اڭدۋ سالدىق. ناتيجەسىندە ولار كەزەكتى «تويوتا لاند كرۋزەر» كولىگىن بارىمتالاپ بارا جاتقانىندا ۇستادىق» ، - دەدى الماتى قالاسى ءى ءى د كريمينالدىق پوليتسيا باسقارماسىنىڭ باسشىسى پوليتسيا پودپولكوۆنيگى جانبولات زيادين.

 ونىڭ ايتۋىنشا، قىلمىستىڭ توپ بەس ادامنان تۇرادى. ولاردىڭ جاسى 23-32 ارالىعىندا. ەكەۋى جامبىل وبلىسىنىڭ، ەكەۋى الماتى وبلىسىنىڭ، بىرەۋى و ق و تۇرعىنى. «كۇدىكتىلەر قاماۋعا الىندى. ىسكە قاتىستى ق ر  ق ك- ءنىڭ 200-بابى بويىنشا قىلمىستىىق ءىس قوزعالدى» ، باسقارما باسشىسى ج. زيادين.

 

اۆتور: الماس مۇقاش ۇلى