سولتۇستىك قازاقستان وبلىسى قىتايعا تازارتىلعان ماي ەكسپورتتايدى

استانا. قازاقپارات - سولتۇستىك قازاقستان وبلىسىنىڭ باسشىلىعى جەرگىلىكتى تازارتىلعان مايدى قىتايعا ەكسپورتتاۋدى كوزدەپ وتىر، دەپ حابارلايدى قازاقپارات ءتىلشىسى.

«مايلى داقىلداردى قايتا وڭدەۋدەن وتكىزەتىن قازاقستانداعى ەڭ ۇلكەن زاۋىت ءبىزدىڭ وبلىستا ورنالاسقان. جاقىندا عانا زاۋىتتاعى رافينادتاۋ سەحىن ىسكە قوستىق. جىل بويى جالپى كولەمى 100 مىڭ توننا شيكىزاتتى وڭدەپ، قىتايعا تازارتىلعان ماي ەكسپورتتاۋدى جوسپارلاپ وتىرمىز»، - دەدى وبلىس اكىمى قۇمار اقساقالوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، ءوڭىر باسشىسى بيىلعى اۋىل شارۋاشىلىعىنىڭ جالپى ءونىم كولەمى بويىنشا ەسەپ بەردى.

«بيىلعى 7 ايدا اگروونەركاسىپتىك كەشەندە اۋىل شارۋاشىلىعىنىڭ جالپى ءونىم كولەمى 81 ميلليارد تەڭگەنى قۇرادى. ينۆەستيتسيالار ءتۇسىمى - 32 ميلليارد تەڭگەنى، جەكە كولەم يندەكسىنىڭ ءوسىمى #,9 دى قۇرادى»، - دەپ تولىقتىردى اكىم ءوز ءسوزىن.

اۆتور: ايجان سەرىكجان قىزى