قازاقستاندىقتار الكوگول كوپ ىشەتىن بولعان - زەرتتەۋ
ساراپشىلاردىڭ مالىمەتىنشە، ىشكى نارىقتا ءبىرىنشى جارتىجىلدىقتا الكوگول ىشىمدىكتەردىڭ ساتىلىمى وسكەن.
«كونياك باعاسى ءبىر جىل ىشىندە 56,1 پايىزعا، شاراپ 17,9 پايىزعا، سىرا 13,1 پايىزعا ءوستى. ال الكوگولسىز ىشىمدىكتەردىڭ باعاسى 6,6 پايىزعا عانا ءوستى»، - دەدى ساراپشىلار. سونداي-اق، سپيرتتىك ىشىمدىكتەردىڭ ىشىندە كونياك ءوندىرىسىنىڭ ءبىر جىلدا بىردەن 67,5 پايىزعا - 5,48 ميلليون ليترعا دەيىن وسكەنى ايتىلادى.
ليكەر ءوندىرىسى دە ءبىر جىلدا 46,6 پايىزعا - ءبىر جىلدا 1,54 ميلليون ليترعا جەتكەن. ال اراق ونىمدەرى، كەرىسىنشە، 8,1 پايىزعا ازايعان. ساراپشىلاردىڭ ايتۋىنشا، ورتا دەڭگەيدەگى الكوگول ونىمدەرىندە دە ءوسىم بايقالادى. شاراپ ءوندىرىسى ءبىر جىلدا 14,1 پايىزعا - 18,11 ميلليون ليترعا، سىرا 12,3 پايىزعا - 335,55 ميلليون دوللارعا جەتكەن.
سونىمەن قاتار، اگەنتتىك وكىلدەرى قازاقستاندا الكوگول ونىمدەرىنىڭ قىمباتتاعانىن ايتىپ ءوتتى. ولاردىڭ ايتۋىنشا، اراقتىڭ باعاسى استانادا ليتر ءۇشىن 3050 تەڭگەگە جەتكەن.
Tengrinews.kz