ا ق ش- تا كوكپار فەدەراتسياسىن قۇرىپ جاتىرمىز - امەريكالىق كوۆبويلار
«ءسوز جوق، كەرەمەت! بىزگە كوكپار ويىنى وتە قاتتى ۇنادى. ءبىز سپورتتىڭ وسى تۇرىنە ەندى عانا كەلىپ جاتساق تا، مۇنداعى دوستارىمىز قۇشاق جايا قابىلدادى. تۋرنيردەن العان اسەرىمىزدى سوزبەن ايتىپ جەتكىزۋ مۇمكىن ەمەس. كەلەشەكتە بۇل سپورتتىڭ ءبىر مۇشەسى بولامىز دەگەن ۇمىتتەمىز»، - دەيدى ا ق ش ۇلتتىق قۇراماسىنىڭ مۇشەسى چەندلەر مەنسەن.
كوۆبويدىڭ ايتۋىنشا، بارىنەن بۇرىن، ءتۋرنيردىڭ ەڭ العاشقى ويىنى مىقتاپ ەسىندە قالعان.
«ءبىر مەزەتتە بويىمىزدى قىزىعۋشىلىق پەن ۇرەيى بىرگە بيلەت كەتتى. ءبىز قارسىلاستارىمىزعا قاراپ، بوي تۇزەپ، ولاردان قالىسپاۋعا تىرىستىق. بۇل جىگىتتەر كوپ جىلدار بويى ابدەن شىنىعىپ قالعانىن بىلەمىز. مۇنى تۇسىندىك. الداعى ۋاقىتتا بۇدان دا مىقتى ويىن كورسەتەمىز دەگەن ويدامىز. كوكپار - ول ۇلكەن اۋلەت! ءبىز ءبارىمىز دە اعايىن بولىپ كەتتىك»، - دەيدى ول.
امەريكالىق ەكىنشى كوۆبوي گەرەت ەدينگتون بولاشاقتا كوكپاردىڭ ا ق ش- تا تانىمال سپورت تۇرلەرىنىڭ ءبىرى بولاتىنىنا سەنىمدى.
«قازىرگى تاڭدا ءبىز امەريكا قۇراما شتاتتارىندا كوكپار فەدەراتسياسىن قۇرۋ جۇمىسىن جۇزەگە اسىرىپ جاتىرمىز. ازىرگە نە فەدەراتسيامىز، نە قاۋىمداستىعىمىز جوق. دەسە دە، مەملەكەت تاراپىنان بىزگە ايتارلىقتاي كومەك بەرىلىپ وتىر. ءبىز سپورتتىڭ وسى ءتۇرىن اقش- تا دامىتقىمىز كەلەدى»، - دەيدى ول.
ەسكە سالا كەتسەك، 27 - تامىزدا استانادا كوكپاردان الەم چەمپيونى اياقتالدى. جەتىكۇندىك چەمپيوناتتىڭ قورىتىندىسى بويىنشا، قازاقستان ءبىرىنشى ورىنعا يە بولسا، قىرعىزستان ەكىنشى ورىنعا تابان تىرەدى. جۇلدەلى ءۇشىن ورىن تاجىكستان قۇراماسىنا بۇيىردى، قىتايلىق كوكپارشىلار ءتورتىنشى ورىندى مىسە تۇتتى.