الماتىدا جاڭا وقۋ جىلىنان باستاپ «ولكە تانۋ» كۋرسى ەنگىزىلەدى
قالا اكىمى باۋىرجان بايبەك: «جالپى جاڭا وقۋ جىلىندا جاستارعا ساپالى ءبىلىم بەرۋدە نەگىزگى باعىت - «رۋحاني جاڭعىرۋ» باعدارلاماسىنىڭ باسىمدىقتارىنا نەگىزدەلۋى ءتيىس»، - دەدى كەڭەستە.
الماتىدا مەكتەپكە دەيىنگى مەكەمەلەردىڭ سانى جىل وتكەن سايىن كوبەيىپ كەلەدى. دەگەنمەن تابيعي ءوسىمنىڭ جوعارى بولۋى مەن سىرتتان كوشىپ كەلۋشىلەردىڭ ارتۋىنا بايلانىستى بالاباقشا ءالى دە جەتىسپەيدى. ماسەلەن، بيىلعى جىلدىڭ 7 ايىندا قالادا 25 مىڭ 489 ءسابي دۇنيەگە كەلگەن. قازىر 3 پەن 6 جاستىڭ ارالىعىندا 22 مىڭنان استام بالا بالاباقشا كەزەگىندە تۇر.
باۋىرجان بايبەك، قالا اكىمى:
- الداعى ەكى جىلدا تەك جەكە ينۆەستوردىڭ قارجىسى ەسەبىنەن تۇرعىن ءۇي كەشەندەرىن سالۋ بارىسىندا 7 مىڭنان استام ورىندىققا 54 بالاباقشا سالىناتىن بولسا، ونىڭ ىشىندە 3 مىڭعا جۋىق ورىنعا ارنالعان 24 بالاباقشا مەملەكەتتىك مەنشىككە بەرىلەتىن بولادى. ول 23 ميلليارد تەڭگەدەن استام مەملەكەت قارجىسىن ۇنەمدەۋگە مۇمكىندىك بەرەدى.
راحات شيماشيەۆا، قالالىق ءبىلىم باسقارماسىنىڭ باسشىسى:
- ۇشتىلدىك وقۋعا كەزەڭ- كەزەڭىمەن كوشۋ وزەكتى ماسەلەنىڭ ءبىرى. قازىرگى تاڭدا فيزيكا، بيولوگيا، حيميا، ينفورماتيكا پاندەرىنىڭ 251 مۇعالىمى كۋرستان ءوتىپ جاتىر. 2017-2018 جاڭا وقۋ جىلىندا اتالعان پاندەردى ءۇش تىلدە وقىتۋ پيلوتتىق رەجيمدە قالانىڭ 33 مەكتەبىندە بيىل ەنگىزىلەتىن بولادى.
www.24.kz