ەلباسى استانادا «حيلتون» قوناق ءۇيىنىڭ اشىلۋ راسىمىنە قاتىستى
ءراسىم سوڭىندا نۇرسۇلتان نازاربايەۆ رەسەي، كورەيا، تۇرىكمەنستان، وزبەكستان، فرانسيا جانە بىرىككەن اراب امىرلىكتەرى ەلدەرىنىڭ ۇلتتىق پاۆيلوندارىن ارالاپ كوردى.
قازاقستان پرەزيدەنتى رەسەي پاۆيلونىندا ەلدىڭ ەنەرگەتيكاداعى جەتىستىكتەرىن جانە اركتيكا جاعدايىندا بولاشاقتىڭ ەنەرگەتيكالىق يدەيالارىن كورسەتەتىن ەكسپوزيتسيالارمەن تانىستى.
وزبەكستان پاۆيلونىندا مەملەكەت باسشىسىنا بۇل ەلدىڭ عىلىمي-وندىرىستىك جەتىستىكتەرى مەن تەحنولوگيالىق جوبالارى، سونىڭ ىشىندە كولىك جاساۋ سالاسىندا قولدانىلاتىن «ەلەكتروكارت» ەكسپەريمەنتتىك پلاتفورماسى كورسەتىلدى.
سونداي-اق، نۇرسۇلتان نازاربايەۆ تۇرىكمەنستاننىڭ ۇلتتىق پاۆيلونىندا دەربەس گەليوبيولوگيالىق قالدىقسىز كەشەننىڭ ماكەتىن كوردى. قازاقستان پرەزيدەنتىنە بىرىككەن اراب امىرلىكتەرىنىڭ جاڭارتىلاتىن ەنەرگەتيكا سالاسىنداعى جەتىستىكتەرى جونىندە باياندالدى.
مەملەكەت باسشىسىنا كورەيا پاۆيلونىندا «اقىلدى ەنەرگەتيكالىق ميكروجەلى» قۇرىلعىسى مەن ەنەرگيا ۇنەمدەۋ جۇيەسىنىڭ جۇمىسى تانىستىرىلدى. سونىمەن قاتار، نۇرسۇلتان نازاربايەۆ فرانسيانىڭ جاڭارتىلاتىن ەنەرگيا كوزدەرىن جانە «اقىلدى قالالار» مەن ەكوموبيلدىلىكتى دامىتۋ سالالارىنداعى جەتىستىكتەرىمەن تانىستى.