سارايشىق قالاسىنىڭ ورنىنان قاسىم حان سارايىنىڭ تابىلۋى ىقتيمال

اتىراۋ. قازاقپارات - اتىراۋ وبلىسى ماحامبەت اۋدانىنىڭ سارايشىق اۋىلىنداعى كونە قالانىڭ ورنى قايتا قازىلا باستادى، ارحەولوگتار قاسىم حاننىڭ سارايىن تابۋدان ءۇمىتتى، دەپ حابارلايدى «قازاقپارات» ح ا ا ءتىلشىسى.

«ۇزاق جىلدار بويى كونە قالا ورنىنىڭ اۋماعى جىل وتكەن سايىن بىرنەشە مەترگە قىسقارىپ كەلەدى. ويتكەنى، قيراعان ۇيىندىلەردى ورال وزەنى شايىپ اكەتكەن. بيىلعى جىلى جاعاجايدى بەكىتۋ جۇمىستار جۇرگىزىلگەن.

ءبىراق، كونە قالا اۋماعىنىڭ باسىم بولىگى سۋ استىندا قالىپ، تەك 20 پايىزى عانا قۇرعاق جەردە ساقتالعان. الايدا، تاياۋدا ماسكەۋدەن سارايشىق قالاسى ەنگىزىلگەن 18 عاسىرداعى كارتا تابىلدى. كارتادان قالانىڭ ەڭ باي بولىكتەرى باسقا جاعىندا ورنالاسقاندىعى انىقتالدى. ولاردىڭ قاتارىندا بۇل جەردى باسقارعان قاسىم حاننىڭ سارايى دا بار. ءبىز ساراي ورنالاسقان جەردى تابۋعا تىرىسىپ جاتىرمىز»، - دەيدى ارحەولوگ مارات قاسەنوۆ.

ايتا كەتەيىك، ءبىر كەزدەرى ۇلى جىبەك جولىنىڭ بويىندا ورنالاسقان كونە سارايشىق قالاسىنىڭ ورنى «قازاقستاننىڭ كيەلى جەرلەرىنىڭ گەوگرافياسىنا» ەنگىزىلگەن.