سۋديالاردى عانا ەمەس، پروكۋرورلاردى دا تاربيەلەۋ كەرەك - باس پروكۋروردىڭ ورىنباسارى
«ءبارىمىزدى دە تاربيەلەۋ كەرەك، سول سەبەپتى رەفورما ءجۇرىپ جاتىر. مەملەكەت باسشىسى الەمنىڭ وزگەرگەنىن، ەلدىڭ وزگەرگەنىن، نارىقتىق قاتىناستار مەن ەكونوميكانىڭ وزگەرگەنىن بىرنەشە رەت ايتتى. ال قۇقىق قورعاۋ ورگاندارى ىلگەرى باسار ەمەس. بىزگە وزگەرۋ قاجەت، جۇمىس ءستيلى مەن ويلاۋدى وزگەرتۋ قاجەت. بۇل جالعىز سۋديالارعا عانا ەمەس، پروكۋرورلارعا دا، تۇتاس قۇقىق قورعاۋ بلوگىنا قاتىستى ءسوز. بۇل ۇلكەن ەسكەرتۋ. بۇگىن ءبىز زاڭ ۇستەمدىگىن ارتتىرىپ، الەمدىك ستاندارتتارعا جاقىنداۋ ءۇشىن جۇمىس ىستەپ جاتىرمىز»، - دەدى م. احمەتجانوۆ جۋرناليستەر سۇراعىنا جاۋاپ بەرە وتىرىپ.
بۇعان دەيىن مەملەكەت باسشىسى نۇرسۇلتان نازاربايەۆ «حابار» تەلەارناسىنا بەرگەن سۇحباتىندا قازاقستانداعى ادىلەتتىلىك سالاسىنداعى رەفورمالاردىڭ ىقپالى قانداي بولاتىنىن ايتىپ، سۋديالاردى تاربيەلەۋ قاجەتتىگىن مالىمدەگەن ەدى.
«سۋديالاردى تاربيەلەۋ كەرەك. ولار ءالى كەڭەستىك كەزەڭدە ءجۇر. قازىر گەرمانيا، ۇلى بريتانيا، فرانسيا جانە تابىستارعا قول جەتكىزگەن پوستكەڭەستىك مەملەكەتتەردىڭ تاجىريبەسىن زەرتتەپ جاتىرمىز. سولارعا قاراپ، وزىمىزگە قاجەتتى ۇزدىك تاجىريبەنى تاڭدايمىز»، - دەپ ءوز ءسوزىن تۇيىندەگەن ەدى ەلباسى.
اۆتور: ايجان سەرىكجان قىزى