قازاق كوكپارشىلارى بۇگىن قىتايلىق قارسىلاستارىن ءىرى ەسەپپەن ۇتتى
ويىن قورىتىندىسى بويىنشا، موڭعوليا كوكپارشىلارى تۇركيانى 10-7 ەسەبىمەن ۇتتى، وزبەك كوكپارشىلارى ا ق ش كوبۆويلارىن 11-1 ەسەبىمەن جەڭدى، قىرعىز كوكپارشىلارى دا تاجىك سپورتشىلارىن 15-2 ەسەبىمەن قاپى قالدىردى، ال اۋعانستان كوكپارشىلارى رەسەيلىكتەردەن 5-1 ەسەبىمەن باسىم ءتۇستى، ۆەنگريا كوكپارشىلارى ازەربايجاندارعا ۇپاي بەرمەدى، ەسەپ 3-0, ال قازاقستان كوكپارشىلارى ق ح ر سپورتشىلارى 14-5 ەسەبىمەن ويسىراتا جەڭدى.
ەرتەڭگى 25- تامىزدا جارىس ساعات 09.00-دە باستالادى، العاشقى كەزدەسۋدە موڭعول رەسپۋبليكاسى مەن تاجىكستان كوكپارشىلارى كۇش سىناسادى.
ايتا كەتەيىك، جارىسقا الەمنىڭ 11 مەملەكەتىنەن 200 گە جۋىق كوكپارشى قاتىسۋدا. جەرەبە ناتيجەسىندە «ا» توبىنا قىرعىزستان، تۇركيا، ا ق ش، وزبەكستان، موڭعوليا جانە تاجىكستان سىنعا ءتۇسىپ جاتسا، «ب» توبىندا قازاقستان، ازەربايجان، رەسەي، ۆەنگريا، قىتاي مەن اۋعانستان ءوزارا مىقتىلاردى انىقتاۋدا.
جارىستىڭ جالپى جۇلدە قورى - 18 ميلليون تەڭگە. I ورىن - 10 ميلليون تەڭگە، II ورىن - 5 ميلليون تەڭگە، III ورىن - 3 ميلليون تەڭگە. حالىقارالىق شارانى ق ر مادەنيەت جانە سپورت مينيسترلىگى مەن ق ر «ۇلتتىق سپورت تۇرلەرى قاۋىمداستىعى» ۇيىمداستىرۋدا.