ساباققا كولىكپەن باراتىن ستۋدەنتتەر وقۋدان شىعارىلادى

 استانا.قازاقپارات - تاجىكستان پارلامەنتى دەپۋتاتتارى پرەزيدەنتتىڭ ءبىلىم بەرۋ جونىندەگى زاڭعا ۇسىنعان وزگەرىستەرىن ءبىراۋىزدان قولدادى.

 وعان سايكەس، ستۋدەنتتەر مەن مەكتەپ وقۋشىلارىنا وقۋ ورنىنا كولىكپەن بارۋعا تىيىم سالادى، دەپ حابارلايدى Centralasian.org.

تاجىكستاننىڭ ءبىلىم جانە عىلىم ءمينيسترى نۋريددين سايدتىڭ ايتۋىنشا، ەرەجەنى بۇزعان جاعدايدا ستۋدەنتتەر ج و و- دان ءۇش جىلعا شەتتەتىلەدى.

وسىعان دەيىن تاجىكستاننىڭ ءبىلىم مينيسترلىگى رەسمي سايتىندا وقۋشىلاردىڭ كيىم كيۋگە قاتىستى تالاپتارىن جاريالاعان. بۇل ەرەجەگە سايكەس وقۋشىلارعا تومەندەگى كيىمدەردى كيۋگە جانە زاتتاردى پايدالانۋعا تىيىم سالادى:

حيدجاب،تار، جىرتىق دجينسيلەر،  (دجينسيدى تەك قىستا كيۋگە رۇقسات بەرىلەدى) ،

قىسقا جانە تار بەلدەمشە،

جارناماسى بار فۋتبولكالار،

سپورت كيىمدەرى (دەنە شىنىقتىرۋ جانە سەنبىلىك كەزىنەن باسقا) ،

قۇلاققا بىرنەشە سىرعا تاعۋ،

ماكياج،

تىرناقتى ءوسىرۋ،

ساقال ءوسىرۋ،

تاتۋيروۆكا جاساۋ.

ال ۇلتتىق كيىمدەر مەن تاقيا كيۋگە رۇقسات بەرىلەدى ەكەن.

Baq.kz