قازاقستانداعى مەكتەپتەرگە فۋتبول ساباعى ەنگىزىلەدى
بۇل تۋرالى Sports.kz حابارلادى.
ادىستەمەلىك وقۋ قۇرالى باستاۋىش سىنىپتاعى دەنە شىنىقتىرۋ مۇعالىمدەرى ءۇشىن كوپتەگەن يلليۋستراتسيالار مەن تۇسىنىكتى ماتىندەر نەگىزىندە جاسالعان. ۇسىنىلعان كونسپەكت-جوسپارلاردا بالالارمەن جۇمىس ىستەۋدەگى وزىق ەۋروپالىق ادىستەرى نەگىزىندە بالالاردى دايىنداۋ كەزىندە جيناقتالعان جانە سىناقتان وتكەن ماتەريالدار بار، ولار جاس ەرەكشەلىكتەرىنە قاراي سىنىپ بويىنشا جىكتەلەدى.
دوپتى يگەرۋدى ۇيرەتۋ ەلەمەنتتەرى بار ءتۇرلى ويىندار جيناقتالعان. بالالاردى شاپشاڭدىققا، يكەمدىلىككە، ەپتىلىككە ۇيرەتەتىن تەحنيكالىق كەشەندەر مەن جاتتىعۋلار كەشەنى، فيزيكالىق جانە تەحنيكالىق دايىندىقتارىن باعالاۋعا ارنالعان تەستىلەر بار.
2017-جىلدىڭ قىركۇيەك ايىندا سىناقتان وتكىزۋ ماقساتىندا قازاقستاننىڭ بەس وڭىرىندەگى 147 مەكتەپ جۇمىلدىرىلادى - الماتى، جامبىل، وڭتۇستىك قازاقستان وبلىستارى مەن استانا جانە الماتى قالالارى.
سونداي-اق، اقتوبە مەن قاراعاندى وبلىستىق فۋتبول فەدەراتسياسى جوبانى جۇزەگە اسىرۋعا قىزىعۋشىلىق تانىتتى.