قازاقستان بانكتەرى قانشا رەت تونالدى
بەتپەردە جامىلعان ەكەۋدىڭ بۇل ارەكەتكە تىڭعىلىقتى دايىندالعانى كورىنىپ تۇر. قاراقشىلار توبەدەگى ۆەنتيلياتسيالىق ليۋكتەن تۋرا كاسسانىڭ تۇسىنان ءتۇسۋى، ەكى قىزمەتكەردى بايلاپ- ماتاپ اقشانى الۋعا كىرىسكەنى گولليۆۋد بلوكباستەرلەرىن ەسكە تۇسىرگەنى راس. باقساق، قازاقستان بانكتەرى ءبىرىنشى رەت تونالىپ وتىرعان جوق ەكەن.
2016 -جىلى الماتى مەن استاناداعى بانكتەرگە قارۋلانعان قاراقشىلار شابۋىل جاساپ، 140 مىڭ تەڭگەنى قولدى ەتكەن. ابىروي بولعاندا، «قاڭعىعان» وق ەشكىمگە تيگەن جوق. ال 2009 -جىلعى «سەسنابانكتى» توناماقشى بولعاندار جايلى ءتىپتى بويەۆيك تۇسىرۋگە بولادى. قىلمىسكەرلەر 15 اي بويى بانكتىڭ استىنان تۋننەل قازعان. ونىمەن قويماي، تۋننەلگە رەلس جۇرگىزىپ، ەلەكتر جارىعىن كىرگىزگەن. جوسپار بويىنشا 2009 -جىلدىڭ 18 ىنەن 19 ىنا قاراعان ءتۇنى بولۋى كەرەك- ءتى. ءبىراق كۇزەتشى ەدەندەگى وزگەرىستى بايقاپ قويىپ، جوسپاردىڭ كۇل- تالقانى شىققان. بيىل الماتىداعى «الفا بانك» بولىمشەسىن دە بەلگىسىز بىرەۋلەر توناپ كەتتى. ق ر ءى ءى م رەسمي وكىلى الماس سادۋبايەۆتىڭ ايتۋىنشا، بەتپەردە كيگەن بىرەۋ بانكتىڭ قويماسىنا كىرىپ، تاپانشاعا ۇقساس زاتپەن قىزمەتكەرلەردى قورقىتىپ، 65 ميلليون تەڭگەنى الىپ كەتتى. جەدەل ىزدەستىرۋ شارالارىنىڭ بارىسىندا بانكتىڭ قىزمەتكەرى مەن ەكس- قىزمەتكەرى ۇستالدى. ولاردان ەلەكتروندىق كىرۋ بيلەتى، ۇرلانعان اقشا، پنيەۆماتيكالىق تاپانشا الىندى.
2009 -جىلى «كازكوممەرتسبانك» عيماراتىنا كىرگەن قاراقشىلار بانكتەن ىم- جىمىن بىلدىرمەي «گارانت» جشس تيەسىلى 93 ملن تەڭگەنى كوتەرىپ كەتكەن. قۇقىق قورعاۋ ورگاندارى اتالعان ءىس بويىنشا الاياقتىقپەن اينالىسقان 7 ادامدى ۇستادى. ولار اقشانى باسقا بانككە جاساندى قۇجاتتار ارقىلى اۋدارىپ جىبەرگەن. كوپ ۇزاماي كۇدىكتىلەر ۇستالىپ، سوت ۇكىمى شىقتى.
2015 -جىلى 6 - قاراشادا پەتروپاۆل قالاسىنداعى «ەۋرازيا بانكىن» توناۋعا تىرىسقان قاراقشى شاماسىن بىلمەي قالعان سىڭايلى. سامبونىڭ ادىستەرىن مەڭگەرگەن كۇزەتشى قاراقشىنىڭ تاپانشاسىن تارتىپ العان. 2010 - جىلى ساتپايەۆ قالاسىنداعى «حالىق بانكىنە» تۇسكەن ۇرىلار قىلمىستىق ويىن جۇزەگە اسىرۋ ءۇشىن تىڭعىلىقتى دايىندالعاندىعى كوپشىلىككە بەلگىلى. الايدا كاسسادان 19 ميلليون تەڭگەنى الىپ بارا جاتقان جەرىنەن كۇزەتشىلەر قارسىلىق بىلدىرگەن. اتىستان قاراقشىلاردىڭ ءبىرى مەن ينكاسساتور قىزمەتكەرى جارالاندى. بانككە كىرمەس بۇرىن ولاردىڭ كوشەدەگى كولىكتىڭ جۇرگىزۋشىسىن ءولتىرىپ كەتكەنى انىقتالدى. 2011 -جىلى ساۋىردە قاراعاندى سوتى ءۇش قاراقشىعا قاتىستى ۇكىم شىعاردى. بۇدان وزگە ينكاسساتور كولىگىن، بانكومات جانىنداعى ادامداردى توناۋ جاعدايلارى دا تىركەلگەن.
اۆتور: گۇلميرا عوسمانالي