ميراس پەن قۇرالاي ەرەكشە بيزنەس تۇرىمەن اينالىسا باستادى
جاقىندا ولاردىڭ قاتارىنا ميراس پەن قۇرالاي قوسىلماق. تەك بۇل جۇلدىزدى جۇپتىڭ تاڭداعان كاسىبى ەلدەن ەرەك. ول قانداي كاسىپ؟ ساحنادا جۇرگەندەرىنە تالاي جىلدىڭ ءجۇزى بولسا دا، ميراس پەن قۇرالاي نەگە ءالى كۇنگە دەيىن جەكە كونسەرت بەرمەگەن؟ بۇل تۋرالى جۇلدىزدى جۇپ تىلشىگە بەرگەن ەكسكليۋزيۆتى سۇحباتىندا ايتتى.
«اللا قالاسا 25 -قازان كۇنى رەسپۋبليكا سارايىندا قۇرالاي ەكەۋمىزدىڭ العاشقى ەسەپ بەرۋ شىعارماشىلىق كەشىمىز بولايىن دەپ جاتىر. بارشاڭىزدى سول كەشىمىزگە شاقىرامىز. قازىر دايىندىق ۇستىندەمىز. اللا قالاسا مەملەكەتتىك سيمفونيالىق وركەستردىڭ سۇيەمەلدەۋىمەن كلاسسيكالىق شىعارمالار ورىندالادى. قۇرالاي ەكەۋىمىز جەكە- جەكە اندەرىمىزدى دە ورىندايمىز»، - دەيدى ميراس.
جۇلدىزدى جۇپ وتباسىلىق بيزنەستەرىن دە جولعا قويا باستاعان ەكەن. ماسەلەن، ميراس- قۇرالاي ونەر ستۋدياسى ەلىمىزدىڭ ءار قالالارىنان اشىلىپ، كەڭەيىپ جاتقان جايى بار. تالانتتى بالالار قايدا بارارىن بىلمەي جۇرسە، بىزگە كەلسىن دەيدى ميراس پەن قۇرالاي.
«بارشاڭىز بىلەسىزدەر، ميراس-قۇرالاي ونەر ستۋدياسى بار بىزدە. سول ستۋديامىز كەڭەيىپ جاتىر. الماتىنىڭ ورتالىعىندا ەكىنشى، سەمەي قالاسىندا تاعى ءبىر ونەر ستۋدياسى اشىلىپ جاتىر، قۇدايعا شۇكىر. سول سەبەپتەن بارشا ونەرپاز، تالانتتى بالاپاندارىمىزدى شاقىرامىز»، - دەيدى ميراس.
جۇلدىزدى جۇپتىڭ جاڭالىقتارى مۇنىمەن توقتاپ قالماق ەمەس. كەلبەتى دە، بويى مەن ويى دا ساي قوسىلعان ميراس پەن قۇرالايدىڭ تاعى ءبىر جوسپارى بار. ەندى ولار ءسان ءۇيىن اشىپ، تىگىن سەحىن ىسكە قوسپاقشى. ميراس پەن قۇرالاي كيىم تاڭداۋ جاعىنان قيىنشىلىققا تاپ بولعان سوڭ وسىنداي يدەيا تۋىنداعانىن ايتادى. ايتۋلارىنشا، ۇزىن، دەنەلى كەلبەتتەرىنە كيىم ولشەمى تۋرا كەلمەي قالا بەرەدى ەكەن.
«وسىلايشا، مەنىڭ كەلىنشەگىم قۇرالاي سياقتى دەنەلى، ۇزىن قىز- كەلىنشەكتەرگە ارنالعان كيىمدەر شىعارۋدى ءجون كوردىك. دەگەنمەن، وتاندىق برەند قالىپتاستىراتىن ءسان ءۇيىن اشىپ، ونى جۇرگىزۋ وڭاي ەمەس. مۇنى جاقسى تۇسىنەمىز»، - دەگەن ميراس سول ءۇشىن ارنايى ماماندارمەن، ديزاينەرلەرمەن، تىگىنشىلەرمەن كەلىسىم-شارتقا وتىرىپ، جۇمىستى باستاپ كەتكەندەرىن جەتكىزدى.