ورالدا جولاۋشىلار تاسىمالدايتىن ەكى اۆتوبۋس سوقتىعىستى - فوتو
12:05, 24 - تامىز 2017
ورال. قازاقپارات - بۇگىن ورال قالاسىندا ساعات شامامەن 08.45-تە جولاۋشىلار تاسىمالدايتىن ەكى اۆتوبۋس سوقتىعىستى، زارداپ شەككەندەر بار، دەپ حابارلايدى وقيعا ورنىنان «قازاقپارات» ءتىلشىسى.
شاعان وزەنىنەن وتەتىن كوپىرگە جاقىن جەردە، زاچاگان كەنتى جاقتان كەلە جاتقان №7 جانە №5 باعىتتاردا جۇرەتىن قوس اۆتوبۋس ءتۇيىستى.
ادامدار جۇمىسقا باراتىن قاربالاس ۋاقىت بولعاندىقتان، اۆتوبۋستىڭ ءىشى لىق تولى ەدى. زارداپ شەككەن جولاۋشىلارعا كومەك كورسەتۋ ءۇشىن جەدەل جاردەم قىزمەتىنىڭ ەكى بىردەي بريگاداسى كەلدى. №7-اۆتوبۋس جۇرگىزۋشىسى قاتتى جاراقات العان.
قازىرگى كەزدە وقيعانىڭ جاي- جاپسارى انىقتالۋ ۇستىندە.