قانات يسلامنىڭ پروموۋتەرى: ونىڭ ءوز حالقىنا دەگەن ماحابباتى جەڭىلۋگە جول بەرمەيدى
«قانات لاگەردە كەرەمەت جۇمىس اتقاردى: ونىڭ ديەتاسى، زەيىنى، جاتتىعۋى، ونىڭ كۇشى، ونىڭ كومانداسى - ءبارى وعان پايدالى بولدى. ونىڭ جانكۇيەرلەرى دە عاجاپ - ول سولار ءۇشىن جاتتىعىپ، رينگكە شىعادى. ونىڭ ءوز حالقىنا دەگەن ماحابباتى جەڭىلۋگە جول بەرمەيدى. ءبىز وسى ۇسىنىستى قابىل العانى ءۇشىن كۋكتىڭ كومانداسىنا العىس ايتامىز، ءبىراق مەن قاناتتىڭ اسەرلى جەڭىسىن كۇتەمىن»، - دەدى لوپەس.
ەسكە سالايىق، 9 -قىركۇيەك كۇنى «ەكسپو» حالىقارالىق كورمەسى اياسىندا استاناداعى «سارى ارقا» ۆەلوترەگىندە بوكس كەشى ءوتىپ، وندا قانات يسلام (24-0,19 ك و) كانادالىق برەندون كۋكپەن (18-0، 11ك و) جۇدىرىقتاسادى. بوكسشىلار ءبىرىنشى ورتا سالماقتاعى IBF تيتۋلىنا ۇمىتكەرلىككە تالاسادى. وسى جەكپە-جەكتىڭ اندەركارتىندا قازاقستاندىق 8 سپورتشى ونەر كورسەتەدى. ولار - جانقوش تۇراروۆ (21-0, 15ك و)، جانىبەك ءالىمحان ۇلى (1-0, 1ك و)، مەيىرىم نۇرسۇلتانوۆ (3-0,2 ك و)، رۋسلان مىرساتايەۆ (3-0, 3ك و)، ءالي احمەدوۆ (7-0,5ك و)، ايدوس ەربوسىن ۇلى (6-0, 6 ك و)، ديماش نيازوۆ (11-0-3, 5ك و) جانە نۇرسۇلتان جاڭابايەۆ.