ەلوردادا بالالار ۇيىندەگى بۇلدىرشىندەرگە سۋبۇرقاق تارتۋ ەتىلدى
بۇل تۋرالى قالالىق اكىمدىكتىڭ باسپا ءسوز قىزەتى حابارلايدى.
«جالپى، كاسىپكەرلەر ۇنەمى كومەكتەسىپ، قولداۋ ءبىلدىرىپ وتىرادى. مەسەناتتاردى ايتپاعاندا، قاراپايىم تۇرعىندار دا قولدارىنان كەلگەنشە كومەكتەسىپ تۇرادى. وسىنداعى (بالالار ۇيىندەگى) كوپتەگەن دۇنيە سولاردىڭ قولىمەن جانە كۇشىمەن جاسالدى»، - دەدى مامانداندىرىلعان بالالار ءۇيىنىڭ ديرەكتورى ساۋلە كەنجەبايەۆا.
ونىڭ ايتۋىنشا، «رۋحاني جاڭعىرۋ» باعدارلاماسى - قازاقستاندىقتاردى قايىرىمدىلىق پەن مەيىرىمدىلىككە باستايتىن بىردەن- ءبىر باستاما.
«قولىندا بەرەتىن ەشتەڭەسى بولماس دا، قانداي كومەك كورسەتە الامىن؟» دەپ كەلەتىن جاندار بار. سىرت كوزگە قاتىگەزدەر كوپ بولىپ كورىنگەنمەن، قۋانتاتىنى - قازىرگى قوعامدا مەيىرىمدى جاندار وتە كوپ. بىزگە قايتارىمسىز كومەك رەتىندە قارجىلاي جانە رۋحاني قولداۋ كورسەتەتىن جاندار كوپ. تەك كوبىسى وزدەرىن جارنامالاي بەرمەيدى»، - دەدى ول.
«استانا سۋ ارناسى» تارتۋ ەتكەن سۋبۇرقاقتا ايەل-انا بەينەسى كەسكىندەلگەن. قولىنا جۇرەگىن ۇستاعان ايەل بەينەسى انانىڭ بالاعا دەگەن ماحابباتىن سۋرەتتەپ تۇر.