سۋداندا رەسەي ەلشىسى ءولى كۇيىندە تابىلدى

استانا. قازاقپارات - سۋدانداعى رەسەي ەلشىسى ميرگاياس شيرينسكي سارسەنبى كۇنى ومىردەن ءوتتى. بۇل تۋرالى تاسس حابارلادى.

«23 -تامىز كۇنى حارتۋمدا رەسەي ەلشىسى ميرگاياس شيرينسكيدىڭ ومىردەن وزعانىن قايعىرا حابارلايمىز. ونداعى ر ف ەلشىلىگى قىزمەتكەرلەرىنەن ەلشىنىڭ ءولىمى تۋرالى تولىققاندى اقپارات الىسىمەن ناقتى حابار تاراتاتىن بولامىز»، - دەلىنگەن اگەنتتىكە بەرىلگەن ر ف س ءى م اقپارات جانە باسپا دەپارتامەنتىنىڭ حابارلاماسىندا.

سۋدانداعى ر ف ەلشىلىگىنىڭ باسپا ءسوز حاتشىسى سەرگەي كونياشين «روسسيا 24» تەلەارناسىنان حابارلاعانداي، ەلشىنىڭ دەنەسى تابىلعاندا ودان جۇرەك تالماسىنان قايتىس بولۋ سيپاتتارى بايقالعان. دەرەۋ دارىگەرلەر شاقىرتىلعانىمەن، ەلشىنى قۇتقارىپ قالۋ مۇمكىن بولماعان.

ميرگاياس شيرينسكي 1954 -جىلى تۋعان. 1991-1993 -جىلدارى يەمەندەگى ر ف ەلشىلىگىندە كەڭەسشى- ەلشى، 1993-1996 -جىلدارى دجيددا قالاسىندا (ساۋد ارابياسى) رەسەيدىڭ باس كونسۋلى قىزمەتىن اتقارعان. 2006-2013 -جىلدارى ول رۋاندادا ەلشى بولدى. 2013 -جىلدىڭ سوڭىنا قاراي سۋدانداعى ەلشى قىزمەتىنە تاعايىندالعان.