قازاق كوكپارشىلارى بۇگىن قارسىلاستارىن ءىرى ەسەپپەن ويسىراتا ۇتتى
ويىن قورىتىندىسى بويىنشا موڭعوليا كومانداسى وزبەكستان قۇراماسىن 8:4 ەسەبىمەن ۇتسا، قىرعىزستان كوكپارشىلارى تۇركيالىقتاردى 13:3 ەسەبىمەن ويسىراتا ۇتتى. ال تاجىك كوكپارشىلارى ا ق ش قۇراماسىن 9:2 ەسەبىمەن قاپى قالدىرسا، اۋعانستان كوكپارشىلارى ءازىربايجاندىقتاردى 3:0 ەسەبىمەن ۇتىپ كەتتى.
ال بۇگىن اسا تارتىستى وتكەن دودادا قازاقستاندىق كوكپارشىلار رەسەيلىكتەردى 15:3 ەسەپ ايىرماشىلىعىمەن ويسىراتا جەڭسە، ق ح ر قۇراماسى ۆەنگريانى 8:2 ەسەبىمەن قاپى قالدىردى.
كوكپارشىلاردىڭ اراسىنداعى تارتىس ەرتەڭ ساعات استانا ۋاقىتمەن 10:00 جالعاساتىن بولادى. وندا العاشقى كەزدەسۋ موڭعول رەسپۋبليكاسى مەن تۇركيا اراسىندا وتەدى.
ايتا كەتەيىك، جارىسقا الەمنىڭ 11 مەملەكەتىنەن 200 گە جۋىق سپورتشى قاتىسۋدا. جەرەبە ناتيجەسىندە «ا» توبىنا قىرعىزستان، تۇركيا، ا ق ش، وزبەكستان، موڭعوليا جانە تاجىكستان سىنعا ءتۇسىپ جاتسا، «ب» توبىندا قازاقستان، ءازىربايجان، رەسەي، ۆەنگريا، قىتاي مەن اۋعانستان ءوزارا مىقتىلاردى انىقتاۋدا.
جارىستىڭ جالپى جۇلدە قورى 18 ميلليون تەڭگەنى قۇرايدى. I ورىن 10 ميلليون تەڭگە، II ورىن 5 ميلليون تەڭگە ، III ورىن 3 ميلليون تەڭگە.
ەستەرىڭىزگە سالا كەتەيىك، كوكپاردان I الەم چەمپيوناتىن قر مادەنيەت جانە سپورت مينيسترلىگى، ق ر «ۇلتتىق سپورت تۇرلەرى قاۋىمداستىعى» ۇيىمداستىرىپ وتىر.
اۆتور: كۇنسۇلتان وتارباي