بايان ەسەنتايەۆا ديماشتىڭ قىتاي ۇشاعىنداعى سۋرەتىنە قاتىستى پىكىر ءبىلدىردى - فوتو
21:17, 23 - تامىز 2017
استانا. قازاقپارات - پروديۋسەر بايان ەسەنتايەۆا ديماشتىڭ قىتاي ەلى ۇشاعىنىڭ سىرتىنداعى سۋرەتىنە قاتىستى پىكىر ءبىلدىردى.
ول كورشى ەلدىڭ تولەرانتتىلىعى ءوزىن تاڭعالدىراتىنىن جازدى.
«مەنى كورشىلەس ەلدىڭ تولەرانتتىعى قاتتى تاڭعالدىرۋدا، بۇل مەنى سۇيسىندىرەدى! كوز الدىڭىزعا ەلەستەتىڭىزشى، قىتايلىق جۇلدىزدىڭ سۋرەتى ءبىزدىڭ ۇشاقتا بولسا، مىندا نە بولىپ كەتەر ەدى؟!»، - دەپ جازعان ول.
ايتا كەتۋ كەرك، ديماشتىڭ سۋرەتى بەينەلەنگەن ۇشاق بۇگىن العاش رەت اۋەگە ۇشقان. بۇل تۋرالى ديماش قۇدايبەرگەن Instagram پاراقشاسىندا جاريالاعان بولاتىن.
«العاشقى سۋرەتىم بەينەلەنگەن ۇشاق بۇگىن ءبىرىنشى رەت اۋەگە ۇشتى. بارشا قۇتتىقتاۋلارىڭىزعا راحمەت. الدا ءالى تالاي قۋانتامىن سىزدەردى، قۇرمەتتى تىڭدارمان تىلەۋلەس قاۋىم!»، - دەپ جازدى ول.