چىڭ لۇڭ قازاقستاندا فيلم ءتۇسىرۋ ماسەلەسىن تاعى قوزعادى
بۇل تۋرالى «قازاقستان» ر ت ر ك» ا ق باسقارماسىنىڭ ءتوراعاسى ەرلان قارين «ينستاگرامداعى» پاراقشاسىندا جازدى، دەپ حابارلايدى «قازاقپارات» ح ا ا ءتىلشىسى.
قىتاي ەلىندە ەرلان قارين چىڭ لۇڭمەن كەزدەسىپ، وسى سۇراق تۋراسىنا اڭگىمە وربىتكەن.
«استاناعا جاساعان ساپارىنان كەيىن چىڭ لۇڭ فيلمدەرىنىڭ ءبىرىن قازاقستاندا ءتۇسىرۋ تۋرالى ءوز يدەياسىنا ءتىپتى قىزىعا ءتۇستى. ءتىپتى بۇل تۋراسىندا ءبىر ويىن دا ايتىپ قالدى. بۇعان قوسا ءبىزدىڭ ەلدەن العان اسەرىمەن تاعى ءبولىستى. استانانىڭ كوركىنە تامسانعانىن، قازاقستاندىقتاردىڭ قوناقجايلىعىنا ءتانتى بولعانىن ايتتى»، - دەپ جازدى ەرلان قارين.
ەسكە سالا كەتسەك، وسى جىلدىڭ شىلدە ايىندا چىڭ لۇڭ استاناعا كەلىپ، قىتاي كينولارىنىڭ فەستيۆالىنە قاتىسقان بولاتىن. ءدال وسى ساپارىندا اكتەر قازاقستاندا فيلم تۇسىرگىسى كەلەتىنىن بىلدىرگەن.
اۆتور: ايان بەكەن ۇلى