بۇل بەينەتۇسىرىلىمدى Raimbek Jumagaliev اتتى ازامات ورنالاستىرعان. بۇل سەكىرىستىڭ سوڭى قايعىلى جاعدايمەن اياقتالۋى دا مۇمكىن ەدى. ابىروي بولعاندا سۋعا سەكىرگەن جىگىت امان قالدى. ال مونتاجدالىپ، مۋزىكاسىمەن بەرىلگەن بەينەتۇسىرىلىم كوپشىلىكتىڭ نازارىنا ۇسىنىلدى.
وندا جاس جىگىت كوپىردىڭ ۇستىمەن كەتىپ بارا جاتادى دا، توقتاي قالىپ، جول جيگەندەگى قورشاۋدان اسىپ ءتۇسىپ، جايىق وزەنىنە سەكىرەدى.
ابىروي بولعاندا، جىگىت بىردەن سۋدان شىعىپ جاعالاۋعا قاراي جۇزە باستايدى. اتىراۋدا جاستاردىڭ كوپىردەن جايىق وزەنىنە سەكىرۋى ءبىرىنشى رەت بولىپ وتىرعان جاعداي ەمەس. وكىنىشكە وراي بىرنەشە مارتە قايتالانعان مۇنداي ارەكەتتەردىڭ سوڭى قايعىلى اياقتالعان كەزدەرى دە بولدى.
ايتا كەتەيىك، بيىلعى جىلى وسى ءوڭىردىڭ وزەندەرىنە، نەگىزىنەن جايىق وزەنىنە 14 ادام باتىپ كەتتى. ولاردىڭ 6 ۋى بالالار.