قازاقستاندا ءدىني عۇرىپ بويىنشا عانا نەكەسىن قيعاندار جازالانۋى مۇمكىن
وسى جىلدىڭ كۇزىندە ماجىلىستە قارالاتىن زاڭ جوباسىندا وسىنداي نورمالار بار.
ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ۇكىمەت وتىرىسىندا ءدىني قىزمەت جانە ءدىني بىرلەستىكتەرگە قاتىستى زاڭ جوباسى وسى جىلدىڭ سوڭىنا دەيىن قابىلدانۋى ءتيىس ەكەنىن ايتتى.
زاڭ جوباسىنىڭ نورمالارىنىڭ ءبىرى نەكەگە تۇرۋعا قاتىستى.
«نەكە قيۋ ينستيتۋتىن رەتتەۋ، نەكە قيۋدى رەتتەۋ... بۇل جەردە نەكە قيۋ تۋرالى، كەيدە ا ح ا ج- عا تىركەۋگە تۇرماي، تەك ءدىني عۇرىپ بويىنشا نەكە قيدىراتىندار بار. بۇل زاڭعا قايشى. مۇنداي جاعدايدى بولدىرماس ءۇشىن زاڭ جوباسىنا تولىقتىرۋلار ەنگىزۋدى قاراستىرىپ وتىرمىز. ياعني، رەسمي تۇردە نەكەگە تۇرماي، ءدىني جورالعى بويىنشا ۇيلەنەتىندەرگە جاۋاپكەرشىلىك كۇشەيتىلۋى مۇمكىن»، - دەدى نۇرلان ەرمەكبايەۆ.
ءمينيستردىڭ ايتۋىنشا، زاڭ جوباسىندا ءدىني ءبىلىم مەن كيىمگە قاتىستى ماسەلەلەر دە قاراستىرىلعان.
«كامەلەتتىك جاسقا تولماعانداردى دىنگە تارتۋ. (...) اڭگىمە دەسترۋكتيۆتى يدەولوگيالىق جانە ءدىني اعىمداردىڭ سىرتقى كورىنىسى جايلى. بۇل فاشيستىك بەلگى، ايتالىق، قانداي دا ءبىر ۇلتتىق ناسىلشىلدىك ۇيىمىنىڭ اتريبۋتى بولۋى مۇمكىن»، - دەدى مينيستر.