الماتى تاۋىندا ەر ادامدى جىلان شاقتى
وتكەن دەمالىستا سولتۇستىك تالعار شاتقالىنان بۋتاكوۆكا شاتقالىنا بەت بۇرعان ءبىر توپ ءتۋريستىڭ ىشىنەن ءبىر جىگىتتىڭ قولىن جىلان شاعىپ العان. جىگىتتىڭ قولى ىسىنە باستاعان. قاسىنداعىلار شۇعىل تۇردە رەسپۋبليكالىق جەدەل قۇتقارۋ جاساعىن شاقىرعان.
وقيعا ورنىنا شۇعىل جەتكەن ماماندار جىگىتتى دارىگەرلەرگە جەتكىزدى.
ق ر ت ج م ت ج ك ماماندارى جىلان شاققان جاعدايدا قانداي ارەكەت ەتۋ كەرەكتىگىن ءتۇسىندىردى.
«تاۋدا جالاڭ اياق نەمەسە جەڭىل اياق كيىممەن جۇرۋگە بولمايدى. تەك قانا سوقپاقپەن، اياقتىڭ استىنا قاراپ ءجۇرۋ كەرەك. قاراڭعى جەرگە قول سۇقپاۋ كەرەك. ەگەر ءسىزدى جىلان شاقسا، انتيگيستاميندى ءدارىنىڭ (سۋپراستين، تاۆەگيل) دوزاسىن قابىلداپ، جىلان ۋىتى تيگەن جەردى قوزعالتپاۋعا تىرىسۋ كەرەك. ەش جاعدايدا الكوگولدى ىشىمدىك ىشپەۋ كەرەك. سەبەبى، ىشىمدىك جىلان ۋىنىڭ اعزاعا ودان ءارى تاراۋىنا اكەلەدى» ، - دەدى ول.