دوللاردى اينالىمنان جاپپاي الىپ تاستاۋ تەڭگەگە قالاي اسەر ەتەدى؟
بۇل تۋرالى «كرىشا» حابارلايدى.
ا ق ش دوللار وتىمدىلىگىنىڭ ءىرى كولەمىن اينالىمنان الىپ تاستاۋدى جوسپارلاپ وتىر. ناتيجەسىندە امەريكالىق ۆاليۋتاعا سۇرانىستىڭ ءوسۋى مەن ونىڭ ودان ءارى نىعايا ءتۇسۋى بولجانۋدا.
العاشقى ساتىسىندا اشىق نارىقتار بويىنشا كوميتەت اي سايىن 10 ميلليارد دوللاردى اينالىمنان الۋدى جوسپارلاپ وتىر. بولاشاقتا ونىڭ كولەمىن 50 ميللياردقا كوتەرمەك.
«امەريكالىق ولشەۋلەر بويىنشا بۇل ۇلكەن قاراجات دەپ ايتا المايمىن. مۇنى، ءتىپتى جاڭالىق دەي المايسىڭ. بۇل بۇرىننان جۇزەگە اسىرىلىپ كەلە جاتقان ۇدەرىس»، - دەيدى مۇرات تەمىرحانوۆ.
Halyk Finance باسقارما مۇشەسىنىڭ ايتۋىنشا، اقشانىڭ اينالىمنان الىنۋى مۇمكىن ەكەنىن نارىقتاعى ويىنشىلار بۇرىننان ءبىلىپ وتىر.
«نارىق بۇعان دايىندالىپ ۇلگەرگەنى انىق. ياعني، ءبىزدىڭ ويىمىزشا، شۋ كوتەرىلە قويمايدى. ف ق ج شەشىمى وتاندىق نارىققا قانداي دا ءبىر اسەر ەتەدى دەۋ قيىن. ءبىرىنشى كەزەكتە ءبىز رۋبل باعامىنىڭ وزگەرىسىنە قاراۋىمىز كەرەك. سەبەبى، ەگەر رەسەيلىك ۆاليۋتا السىرەي باستاسا، ارتىنشا تەڭگە دە قۇنىن جوعالتادى»، - دەيدى ول.
تەمىرحانوۆ رەسەيدە دوللار الىنىپ تاستالاتىنى تۋرالى جاڭالىق ەشكىمدى الاڭداتتىرماي وتىرعانىن ايتتى.
«باتىس سانكسيالارىنىڭ رۋبلگە قالاي اسەر ەتكەنىنە قارايىقشى: ازداپ رۋبل باعامى قۇبىلعانىمەن، بۇگىندە ول بۇرىنعى دەڭگەيىنە قايتىپ ورالدى... بۇگىندە وتاندىق ۆاليۋتا قۇلدىرايدى دەگەن بولجام جوق»، - دەيدى مامان.
21- تامىز كۇنگى تاڭەرتەڭگىلىك KASE سەسسياسىنىڭ ناتيجەسى بويىنشا ۇلتتىق ۆاليۋتا باعامى 332,25 دوللاردى قۇرادى.