حالىقتى وڭتۇستىكتەن سولتۇستىككە قونىستاندىرۋعا كۆوتا ارتادى
«مەملەكەت باسشىسى ناتيجەلى جۇمىسپەن قامتۋ مەن جاپپاي كاسىپكەرلىكتى دامىتۋ باعدارلاماسىن جۇزەگە اسىرۋعا ەرەكشە نازار اۋداردى. سونىمەن قاتار پرەزيدەنت شاعىن نەسيەلەۋدى ەنگىزۋمەن تۇراقتى جۇمىس ورىندارىن قۇرۋ قاجەتتىگىنە جانە ەڭبەك رەسۋرستارىنىڭ ءوڭىرارالىق تەڭگەرىمسىزدىگى ماسەلەسىنە توقتالدى. وسىعان بايلانىستى ءبىر اي مەرزىمدە ەڭبەك جانە حالىقتى الەۋمەتتىك قورعاۋ، ۇلتتىق ەكونوميكا، قارجى، اۋىل شارۋاشىلىعى مينيسترلىكتەرىنە ءوڭىر اكىمدەرىمەن بىرلەسە وڭتۇستىكتەن سولتۇستىك وڭىرلەرگە ەرىكتى قونىس اۋدارۋعا كۆوتالاردى ارتتىرۋ مەن ىنتالاندىرۋ بويىنشا ۇكىمەتكە ۇسىنىستاردى ەنگىزۋدى تاپسىرامىن. وسى ورايدا قاجەتتى ەسەپ- قيساپتى دايارلاۋ كەرەك»، - دەدى پرەمەر- مينيستر باقىتجان ساعىنتايەۆ بۇگىنگى ۇكىمەت وتىرىسىن قورىتىندىلاۋ بارىسىندا.
بۇدان بولەك، ۇكىمەت باسشىسى اگروونەركاسىپتىك كەشەندى دامىتۋ باعىتىندا پرەزيدەنت ءىرى اگروحولدينگتەردى قارجىلىق ساۋىقتىرۋ مەن وسىمدىك شاراۋاشىلىعىنداعى ساقتاندىرۋ ماسەلەسىنە ەكپىن قويعانىن جەتكىزدى.
وسى ورايدا اۋىل شارۋاشىلىعى مينيسترلىگىنە قازاقستان قارجىگەرلەرى قاۋىمداستىعىمەن، «اتامەكەن» ۇ ك پ- مەن جانە وبلىس اكىمدەرىمەن بىرلەسە ءبىر ايدىڭ ىشىندە قارجىلىق ساۋىقتىرۋعا ەگجەي- تەگجەيلى تالداۋ جاساپ، ءتيىستى ۇسىنىستاردى ۇكىمەتكە ەنگىزۋ جۇكتەلدى.