قازاقستان مەن قىتاي مەملەكەتتىك قىزمەت سالاسىندا تاجىريبە الماسۋعا ۋاعدالاستى
وندا الەمنىڭ الەمنىڭ 13 ەلىنەن كەلگەن 100 دەن استام ۇكىمەت وكىلدەرى مەن ساراپشىلار باس قوستى. شارا بارىسىندا استاناداعى مەملەكەتتىك قىزمەت سالاسىنداعى وڭىرلىك حاب پەن قىتايدىڭ مەملەكەتتىك باسقارۋ اكادەمياسى مەموراندۋمعا قول قويدى، دەپ حابارلايدى قازاقپارات.
سەمينار ەلدەردىڭ جالپى دامۋى مەن ىنتىماقتاستىق اياسىن كەڭەيتۋگە زياتكەرلىك قولداۋ كورسەتۋ ماقساتىندا وتكىزىلدى. ونىڭ اشىلۋ سالتاناتىندا وڭىرلىك حابتىڭ باسقارۋشى كوميتەت ءتوراعاسى ءاليحان بايمەنوۆ ءسوز سويلەدى.
«كەز كەلگەن يننوۆاتسيا، الەمنىڭ قاي تۇكپىرىندە شىقسا دا، ول - ادامزاتقا ورتاق يگىلىك، الەمنىڭ دە دامۋىنا قىزمەت ەتۋى ءتيىس. بارلىعىنىڭ اشىق، يننوۆاتسيالىق جانە جان- جاقتى دامۋى يدەياسى ب ۇ ۇ- نىڭ تۇراقتى دامۋ ماقساتتارىندا دا كورىنىس تاپقان»، - دەپ اتاپ ءوتتى ءاليحان بايمەنوۆ.
ونىڭ ايتۋىنشا، تاعدىرى ورتاق جاھاندىق قاۋىمداستىق قۇرۋ تۇجىرىمداماسى مەن دامۋ ماقساتتارىن جۇزەگە اسىرۋدا پروگرەسس كوبىنە باسقارۋ ينستيتۋتتارى تيىمدىلىگىنە تاۋەلدى.
«تەڭ تەڭىمەن» قاعيداتى بويىنشا تاجىريبە الماسۋ، ورتاق زەرتتەۋلەر جاساۋ، سونداي-اق، ارىپتەستىكتى دامىتۋ ۇكىمەتتىڭ مەملەكەتتىك باسقارۋ تيىمدىلىگىن ارتتىرۋ بويىنشا ۇكىمەتتەردىڭ ۇمتىلىستارىنا سەرپىن بەرەدى. سوندىقتان، قازاقستان ۇكىمەتى مەن ب ۇ ۇ دامۋ باعدارلاماسى استاناداعى وڭىرلىك حابتى قۇرۋ باستاماسىن كوتەردى»، - دەدى ول.
قازىرگى تاڭدا حابتا امەريكا، ە و، ت م د، كاۆكاز جانە ا س ە ا ن ەلدەرىن قوسا العاندا 38 قاتىسۋشى مەملەكەت بار. قىتاي - حابتىڭ قۇرىلتايشىلارىنىڭ ءارى بەلسەندى قاتىسۋشىلارىنىڭ ءبىرى.
سەمينار اۋقىمىندا حاب پەن الەمدەگى مەملەكەتتىك باسقارۋ سالاسىنداعى ءىرى ءبىلىم جانە عىلىمي زەرتتەۋ ينستيتۋتتارىنىڭ ءبىرى - قىتايدىڭ مەملەكەتتىك باسقارۋ اكادەمياسى اراسىندا مەموراندۋمعا قول قويىلدى. بۇل - ەكى ۇيىم ىنتىماقتاستىعىنىڭ جاڭا كەزەڭگە شىعۋىنىڭ باستاۋى.
اكادەميانىڭ اتقارۋشى ۆيتسە-پرەزيدەنتى (ۆيتسە- مينيستر) ما دزەنتان اكادەميانىڭ مەملەكەتتىك قىزمەت سالاسىنداعى تاجىريبە جانە ءبىلىم الماسۋدىڭ ماڭىزدى حالىقارالىق ورتالىعى سانالاتىن استانا حابىمەن ارىپتەستىكتى تەرەڭدەتۋ جانە كەڭەيتۋ بويىنشا ىقىلاسىن جەتكىزدى.
مەملەكەتتىك باسقارۋ بويىنشا بۇل سەمينار بريكس (برازيليا، رەسەي، ءۇندىستان، قىتاي، و ا ر) ەلدەرى باسشىلارىنىڭ بيىل قىركۇيەكتە سيامەندە وتەتىن كەزدەسۋى قارساڭىندا وتكىزىلدى.