قانات بوزىمبايەۆ استاناعا گاز تارتۋ ىسىندەگى قيىندىقتاردى اتادى
بۇل تۋرالى ق ر ەنەرگەتيكا ءمينيسترى قانات بوزىمبايەۆ ۇكىمەت ۇيىندە وتكەن باسپا ءسوز ءماسليحاتىندا مالىمدەدى.
«قاز ترانس گاز» ۇلتتىق كومپانياسى تەحنيكالىق-ەكونوميكالىق نەگىزدەمە دايىندادى. بۇل نەگىزدەمە مەملەكەتتىك ساراپتامادان ءوتتى. جوبانىڭ مارشرۋتى قىزىلوردا وبلىسىنان باستالادى جانە استاناعا دەيىن قاراعاندى وبلىسى ارقىلى ۇزىندىعى 1800 شاقىرىم گاز قۇبىرىن تارتۋ جوسپارلانعان. ونىڭ قۋاتتىلىعى جىلىنا 3 ميلليارد كۋبتى قۇراسا، باعاسى 260 ميلليارد تەڭگەدەن استى»، - دەپ اتاپ ءوتتى ق. بوزىمبايەۆ.
ءمينيستردىڭ ايتۋىنشا، استانانى گازداندىرۋدا قارجىلىق قيىندىقتار تۋىنداعان جانە مينيسترلىك جوباعا ينۆەستور تارتۋ بويىنشا جۇمىس ىستەپ جاتىر.
«استانانى گازداندىرۋ ماسەلەسىن جان-جاقتى تالقىلادىق جانە ارنايى ۇكىمەتكە جىبەردىك. ءبىرىنشى ۆيتسە-پرەمەر بۇل ماسەلەنى قاراپ جاتىر. ءبىر عانا قيىندىق، قاز مۇناي گازدا كرەديتتىك رەسۋرستاردى الۋعا مۇمكىندىك جوق، سەبەبى ونداعى كرەديتتىك جۇكتەمەلەر وتە جوعارى. سوندىقتان اتالعان ماسەلەنى «قاز ترانس گاز»، «قاز مۇناي گاز» ارقىلى شەشىلۋدە، قارجىلاندىرۋدا قيىندىقتار تۋىنداپ جاتىر. ال ءبىز باسقا ينۆەستورلاردى تارتۋعا ارەكەتتەنىپ جاتىرمىز»، - دەدى ول.
اۆتور: ايجان سەرىكجان قىزى