«ءبارى قالىپتى. ول اۋىر وپەراتسيادان شىقتى. ودان دا تەزىرەك ساۋىعۋىن تىلەيىك. ول - رەسەيدەگى ەڭ بەدەلدى گۋبەرناتورلاردىڭ ءبىرى»، - دەدى كيريەنكو.
باسىلىمنىڭ حابارلاۋىنشا، وتكەن اپتانىڭ سوڭىندا ءبىر جارىم اي ماسكەۋدە ەمدەلگەن سوڭ امان تولەيەۆ كەمەروۆوعا قايتىپ كەلگەن. ول رەسەي استاناسىنداعى پرەزيدەنت ءىس باسقارماسى ورتالىق كلينيكالىق اۋرۋحاناسىندا ەمدەلگەن.
«تولەيەۆتىڭ قوزعالۋ مۇمكىندىگى ءالى دە تومەن. ۇشاقتان ونى سۇيەمەلدەپ ەمەس، كوتەرىپ الىپ شىققان. وبلىس اكىمشىلىگى ايتقانداي، گۋبەرناتوردىڭ قاشان جۇمىسقا شىعاتىنىن دارىگەرلەر شەشەدى»، - دەپ جازادى باسىلىم.
كەي مالىمەتتەر بويىنشا، گۋبەرناتور وڭىرگە كەنشى كۇنى مەرەكەسىنىڭ 70 جىلدىعىنا قاتىسۋ ءۇشىن كەلگەن. الايدا، نەگىزگى مەرەكەلىك شارالار ماسكەۋدە وتەدى، سوندىقتان كومىر كومپانيالارىنىڭ باسشىلارى استاناعا كەتپەك.
«وندا امان تولەيەۆ تە ۇشۋى كەرەك ەدى. ءبىراق ول قازىرگى جاعدايىندا ۇشىپ بارا الا ما، ول جاعى بەلگىسىز»، - دە جازادى «كوممەرسانت» باسىلىمى.