ەلباسى: باعدارلامالىق ماقالادا قامتىلعان ماسەلەلەر جاقسى قولداۋعا يە بولدى
«بارلىعىمىز كورىپ، ءبىلىپ وتىرمىز، وسى ماقالا حالىقتىڭ كوڭىلىنەن شىققان سياقتى، وتە قىزۋ تالقىلانىپ تا جاتىر جانە ۇكىمەت، جەرگىلىكتى بيلىك تاراپىنان قىزۋ جۇمىسقا كىرىسىپ كەتتىك. ونى تامىرى وتە تەرەڭدە جاتقان باعدارلاما دەپ ساناۋ كەرەك. ءبىز تاۋەلسىزدىكتىڭ باستاپقى جىلدارىندا كوپ قيىندىقتاردان وتتىك دەپ ايتىپ ءجۇرمىز. داعدارىسقا دۋشار بولدىق، ەلدىڭ ءال- اۋقاتى تومەندەدى. سول كەزدە ەڭ ءبىرىنشى ەكونوميكا بولۋى كەرەك، سودان كەيىن ساياسات دەگەن قاعيدانى ۇستاندىم. سونىڭ ارقاسىندا قازىرگى جاعدايمىزعا قول جەتكىزىپ، ەلدىڭ ءال- اۋقاتى ارتقان، قازاقستاننىڭ دۇنيەجۇزىنە بەلگىلى بولعان كەزەڭگە جەتتىك. ىشكى ساياسات، ەكونوميكا ءجوندى بولماسا، باسقا شارۋامەن شۇعىلدانۋ مۇمكىن ەمەس. سوندىقتان بۇل ۇستانىم دۇرىس بولدى دەپ سانايمىن»، - دەپ اتاپ ءوتتى مەملەكەت باسشىسى.
وسى ورايدا ەلباسى قازاقستان ماڭىزدى بەلەستەن وتكەنىنە توقتالا كەلە، ەندى وسىدان دا جوعارى دەڭگەيگە جەتۋ ماقسات- مىندەتى تۇرعانىن قاداپ ايتتى.
«سودان كەيىن مەملەكەتتىڭ رۋحاني ءومىرى، رۋحاني ساناسى جوعارى بولماسا، وندا وتانسۇيگىشتىك قۇندىلىقتارىن العا جىلجىتۋ مۇمكىن ەمەس. وزدەرىڭىز بىلەسىزدەر، بۇقارالىق اقپارات قۇرالدارىندا باعدارلامالىق ماقالادا قامتىلعان ماسەلەلەر جاقسى قولداۋعا يە بولدى»، - دەپ اتاپ ءوتتى پرەزيدەنت.