جانىبەك ءالىمحان ۇلى بولاشاعى زور بوكسشى - نەلسون لوپەس
«مەنىڭ ويىمشا، جانىبەك ءالىمحان ۇلى قاتەلىككە بوي الدىرمايتىن بوكسشى. بيىك دارەجەگە جەتۋگە دايىن. ەڭ باستىسى ءوزىن- ءوزى دامىتۋعا ۋاقىتى بار» ، - دەيدى نەلسون لوپەس.
بۇعان دەيىن جانىبەكتىڭ 9- قىركۇيەكتە برازيليالىق كارمەليتو دە جەزۋسپەن قولعاپ تۇيىستىرەتىنى بەلگىلى بولعان ەدى. برازيليالىق بوكسشى كاسىپقوي رينگتە 23 كەزدەسۋ وتكىزىپ، 18 ىندە جەڭىسكە جەتكەن. سونداي- اق ول 15 جەكپە- جەگىندە ۋاقىتىنان بۇرىن جەڭىسكە جەتىپ، 5 كەزدەسۋدە جەڭىلگەن.
سوڭعى جەكپە- جەكتە جاراقات الىپ قالعان جانىبەكتىڭ الداعى كەزدەسۋگە ساق بولۋى كەرەك پە دەگەن سۇراققا نەلسون لوپەس ءبارى ويداعىداي بولاتىندىعىن ايتتى.
«جوق. ۋايىمداۋدىڭ ەش رەتىن كورىپ تۇرعان جوقپىن. دايىندىعىن بايقادىم. ەشقانداي ماسەلە كورىپ تۇرعان جوقپىن» ، - دەدى پروموۋتەر.
ەسكە سالا كەتسەك، 9 - قىركۇيەكتە استاناداعى «سارىارقا» ۆەلوترەگىندە قانات يسلام كانادالىق برەندون كۋكپەن قولعاپ تۇيىستىرمەك. كەزدەسۋدىڭ اندەركارتىندا جانىبەك ءالىمحان ۇلى (1-0, 1ك و) كاسىپقوي بوكستاعى ەكىنشى كەزدەسۋىن وتكىزەدى.