جاماندىققا قيماساڭىز دا، ەسەيگەن سوڭ بالاڭىز بۇزىق، جاسىق، قايىرىمسىز بولادى. نەگە؟ شەكتەن تىس قامقورلىق بالاڭىزدىڭ بويىنداعى ءومىر سۇرۋگە دەگەن قابىلەتتەردى تۇنشىقتىرىپ تاستايدى. ءسال قيىندىق كورسە «اناشىم، اكەشىم» دەپ جىعىلا سالۋى ابدەن مۇمكىن. شەكتەن تىس سالقىندىق تا بالاڭىزدىڭ بويىنداعى ءوز- وزىنە دەگەن سەنىمدى جويادى. بالاڭىز ءوز پىكىرىن دالەلدەي المايتىن جاسىق بولىپ شىعا كەلەدى.
شەكتەن تىس قامقورلىقتىڭ سالدار قانداي؟
• بالا پسيحيكاسىنىڭ بۇزىلۋى ەگەر اتا- انا بالانىڭ مىندەتىنە كىرەتىن بار شارۋانى قولىنا السا، ونىڭ ورنىنا شەشىم قابىلداپ، اقشا تۋرالى ماسەلەنى قوزعاماسا بالا ۇلكەن ومىرگە اياق باسقان ساتتە ەسەڭگىرەپ قالادى. ويتكەنى، اتا- انانىڭ قامقورلىعى ءومىردى تانۋعا مۇمكىندىك بەرمەيدى. كەز كەلگەن ساتسىزدىكتى جەڭىلىس رەتىندە قابىلدايدى.
• داعدىلار قالىپتاسپايدى دەن ساۋ، اقىل- ەسى دۇرىس بولسا دا، اتا- انا قامقورلىعىنان وزگەنى سەزىنبەگەن بالا ادامدارمەن قارىم- قاتىناس ورناتا الماي قينالادى. باسىنا قيىندىق تۇسكەندە ونىمەن كۇرەس جۇرگىزۋ كەرەكتىگىن تۇسىنبەيدى.
• مانساپقا يە بولۋى قيىن ءوز- ءوزىن كورسەتە المايتىن، ەركە، شەشىم قابىلداي المايتىن، ءتىپتى جاۋاپكەرشىلىك دەگەن ۇعىمنان حابارسىز بالانىڭ جۇمىستا جەتىستىككە جەتۋى قيىنداۋ. ويتكەنى، ونداي ادامدى قوعام سىيلاي قويمايدى. بالاعا ەركىندىك بەرىپ، «ءوزىڭ ويلان، ءوزىڭ ىستە» دەپ ۇيرەتسەڭىز، ءسىزدىڭ كومەگىڭىز الدەقايدا زور بولارى ءسوزسىز.
ال، شەكتەن تىس سالقىندىقتىڭ سوڭى نەگە اكەلەدى؟
سالقىندىق بالا بويىنداعى قورقىنىشتى وياتادى. سول سەبەپتەن ول ەسەيە كەلە جۇرت الدىندا ءوز پىكىرىن دالەلدەي المايتىن جاسىق بولىپ قالادى. جاسىقتىق - اتا- انانىڭ سالقىن قارىم- قاتىناسىنان تۋىندايتىن ەڭ جەڭىل سالدار. ويتكەنى، اتا- انا مەيىرىمىن سەزىنبەگەن بالا قاتىگەز بولىپ وسەدى. وسىلايشا، ونىڭ وتباسىلىق ءومىرى قيىندىقتارعا تولى بولادى. بالا جىلۋدى سىرتتان ىزدەپ، اداسۋى ابدەن مۇمكىن. وندايدا، ونى تۋرا جولعا سالۋ مۇمكىن ەمەس.
بالانى قالاي تاربيەلەۋ كەرەك؟
قۇر ايقاي نەمەسە شەكتەن تىس وبەكتەۋ جۇمىستارى بالانىڭ تامىرىنا بالتا شابارى ءسوزسىز. ودان دا ەكى ورتانىڭ تەڭدىگىن قالىپتاستىرىڭىز. كەرەك كەزدە ەركەلەتىپ، كەيدە قاباعىڭىزدى شىتىپ، ۇرىسىپ تا قويىڭىز. باستىسى، بالاڭىزعا تاڭداۋ مۇمكىندىگىن بەرىپ، بالانىڭ ويىن تىڭداڭىز.
Massaget.kz