كاسپي جاعاسىندا تەڭىز تەرمينالى سالىنادى

اتىراۋ. قازاقپارات - اتىراۋ وبلىسىنداعى تەڭىز مۇناي كەن ورنىن زەرتتەپ جاتقان «تەڭىز شيەۆرويل» ج ش س كاسپيدە تەڭىز تەرمينالىن تۇرعىزباق، دەپ حابارلايدى «قازاقپارات» ح ا ا ءتىلشىسى.

«جۇكتەردى تاسىمالداۋ مارشرۋتى» جوباسى اياسىندا تەرەڭدەتۋ جۇمىستارى اياقتالدى. جۇك تاسۋ تەرمينالى اۋماعىندا جانە جاعاداعى جۇمىستار 100 پروتسەنت اياقتالدى. جوسپارعا سايكەس، تەڭىز كەن ورنىندا ينفراقۇرىلىم قۇرىلىسىنىڭ جۇمىستارى جۇرگىزىلىپ جاتىر»، - دەپ حابارلايدى كومپانيانىڭ باسپا ءسوز قىزمەتى.

كاسپي تەڭىزىنىڭ جاعاسىندا اتىراۋ وبلىسىنىڭ جىلىوي اۋدانىندا سالىنىپ جاتقان تەرمينال تەڭىزدە زاۋىت قۇرىلىسىنىڭ ءۇشىنشى بۋىنى ءۇشىن ىرىگاباريتتى جۇكتەردى سۋ جولى ارقىلى تاسىمالداۋعا ارنالعان.

تەرەڭدىكتى انىقتاۋ، جاعاداعى جانە اۋماقتاعى زەرتتەۋ جۇمىستارىن نيدەرلاندتان كەلگەن «ۆان وورد» كومپانياسى جۇرگىزۋدە. تەڭىز كانالىنىڭ ۇزىندىعى 70 شاقىرىمعا سوزىلسا، تەرەڭدىگى 4,8 شاقىرىمعا بويلاپ، ەنى 61 مەترگە جالعاسادى. تەرمينالدىڭ قۇرىلىسىنا كەتەتىن قاراجاتتىڭ 90 پروتسەنتىن «تەڭىز شيەۆرويل» كومپانياسى، 10 پروتسەنتىن «تەڭىز سەرۆيس» كومپانياسى سالىپ وتىر.