سۋرەتكە ءساتتى ءتۇسۋدىڭ قۇپياسى

ءتىپتى كەيدە قۇجاتىمىزداعى سۋرەتىمىزدى بىرەۋگە كورسەتۋگە دە قىسىلامىز. سول سەبەپتى دە سىزدەرگە سۋرەتكە ءساتتى ءتۇسۋدىڭ قۇپياسىن اشپاقپىز.

1. تەرى

بەتىڭىزگە قۇرامىندا جىلتىرى بار وپا- دالاپ جاقپاڭىز. جىلتىر وپا-بوياۋ كوزدى كىشىرەيتىپ، بەتتى ۇلكەيتىپ كورسەتەدى. ونىڭ ورنىنا كوڭگىرت وپالاردى قولدانىڭىز.

2. قاس پەن كىرپىك

نەعۇرلىم قويۋ، قارا بولسا سوعۇرلىم جاقسى. سەبەبى سۋرەتكە تۇسكەندە قاس پەن كىرپىك «جۇتىلىپ» كەتەدى. سوندىقتان قاسىڭىز بەن كىرپىگىڭىزدى بارىنشا بوياپ الىڭىز. نەمەسە جاساندى كىرپىك جابىستىرىپ الىڭىز.

3. ەرىن

كونتۋرى ايقىن دالاپ جاعۋ قاجەت. ءبىراق جىلتىر بولماسىن. ءتۇسى قانىق ءارى تەرىڭىزدىڭ تۇسىنە سايكەسىن تاڭداڭىز.

4. باسىڭىزدى جوعارى كوتەرمەڭىز

ادەتتە فوتوگرافتار باسىڭىزدى كوتەرۋ كەرەكتىگىن ايتىپ جاتادى. ەڭ دۇرىسى يەگىڭىزدى ءسال تومەن ءتۇسىرۋ. سول كەزدە بەتىڭىز ارىق بولىپ كورىنەدى.

5. بۇرىلۋ

ءار ادامنىڭ وڭ جاق بەتى مەن سول جاق بەتىندە ايىرماشىلىق بولادى. بىرەۋ سول جاعىمەن سۋرەتكە جاقسى تۇسسە، ەكىنشى بىرەۋ وڭ جاعىمەن ءساتتى تۇسەدى. ءوزىڭىزدى قاي جاعىڭىزدان سۋرەتكە جاقسى تۇسەتىنىڭىزدى انىقتاپ، سول جاق بەتىڭىزدى ءسال بۇرىپ، العا شىعارىڭىز.

6. كۇلكى

ادەتتە ءبىز قارقىلداپ، بارىمىزدى سالىپ كۇلۋگە اۋەسپىز. بۇلاي كۇلۋ سۋرەتكە جارامايدى. سۋرەتكە جىميىپ تۇسسەڭىز جەتكىلىكتى.

دەرەككوز: http://www.cosmo.ru