بىزدەگى قوعامنىڭ ەڭ ۇلكەن قاتەلىگى ەرتەڭ ءۇشىن ءومىر ءسۇرۋ. ارينە، ەرتەڭ ءۇشىن ءومىر ءسۇرۋ دەگەن ءسوز ۇرپاق قامىن جاساۋ بولار. ءبىراق ءسىز بۇگىنگى كۇنمەن ناتيجە شىعارا الماي، ەرتەڭدى قالاي ويلايسىز، وعان قالاي قادام باساسىز.
ءبارىن شەشەتىن بۇگىنگى كۇن ەكەنىن ۇمىتپاڭىز. سەبەبى ءسىز بۇگىن، تاپ بۇگىن وزگەرە الاسىز، ءسىز بۇگىننەن باستاپ جاقسى جاققا بەت بۇراسىز نەمەسە، كەرىسىنشە، بۇگىننەن باستاپ جۇمىسقا كىرىسەسىز، بۇگىننەن باستاپ ارماننىڭ قيال، ال ماقساتتىڭ ءىس ەكەنىن سەزىنەسىز.
بۇگىن ءۇي الۋعا شاماڭىز جەتپەسە، ەرتەڭ ءۇي الامىن دەپ ارمانداماڭىز؛ بۇگىن كولىك الۋعا ۇمتىلماي، ەرتەڭ الارمىن دەسەڭىز، تاعى دا ۇتىلدىڭىز؛ «بۇگىن ەرتە، ەرتەڭ دە كەش ەمەس» دەگەن سوزدەن اۋلاق بولىڭىز؛ ءسىز بۇگىن تابىسقا جەتپەي، ەرتەڭ تابىستى بولىپ كەتپەيسىز؛ ەرتەڭنىڭ بۇگىنگى كۇننەن ايىرماسى جوق. وندا ەشقانداي سيقىر جوق. تەك ەڭبەك بار؛ بۇگىن قينالساڭىز، ەرتەڭ جەمىسىن كورەسىز؛ بۇگىن ارەكەت ەتپەي، ەرتەڭنەن جاقسى دۇنيە كۇتپەڭىز؛ ءبىز ءبارىن الداعى ۋاقىتتا ەسەپتەيمىز. ءبىز ءبارىن ەرتەڭ كەلەتىن كۇنگە ارتىپ قويامىز. قىزىق، ەرتەڭگى كۇننىڭ توسىن سىي جاسايتىنىن قايدان بىلەسىز؟ سەبەبى ءسىز وعان دايىن ەمەسسىز. دايىن اسقا تىك قاسىق بولعاندى قوعام دا ۇناتپايدى. سوندىقتان ءاربىر ءىستى، ويدى، ەڭبەكتى بۇگىن باستاڭىز. بۇگىن - ءبارىن شەشەتىن كۇن.
Massaget.kz