تيان- شان اقپاراتتىق پورتالىنىڭ حابارلاۋىنشا، ىلە قازاق اۆتونوميالىق وبلىسىنىڭ التاي ايماعى شىڭگىل اۋدانىنداعى مەملەكەتتىك قىزمەتكەر دۋڭ شينيە 15 - تامىز كۇنى قازاقى ۇلگىدە توي جاسادى. حيلۋڭجياڭ پروۆينتسياسىنان كەلگەن قالىڭدىقتىڭ ايتۋىنشا، كۇيەۋ جىگىتتىڭ جۇمىسىنىڭ قاۋرىتتىعىنا بايلانىستى تويدى شىڭگىلدە وتكىزۋدى ۇيعارعان. ارىپتەستەرى اراسىندا قازاقتار كوپ بولعاندىقتان جاس جۇپ تويلارىندا قازاقتىڭ ۇلتتىق كيىمىن كيىپ شىققان ەكەن.
بۇل كۇندە قازاقتار مەكەندەگەن وڭىرلەردە تۋىپ وسكەن قىتاي ۇلتىنىڭ ازاماتتارى قىزدارىن قازاقشا ۇزاتىپ، كەلىندەرىن قازاق سالتى بويىنشا ءتۇسىرۋدى سانگە اينالدىرعان. توي سالتاناتىندا قىتايلار قازاقتىڭ ۇلتتىق كيىمدەرىن كيىپ، اتقا ءمىنىپ توي سەرۋەنىن جاساۋمەن قاتار، بەتاشار، شاشۋ شاشۋ، توي داستارقانىنا ەت تارتۋ جانە ۇيگە جاڭا تۇسكەن كەلىنگە وتقا ماي قۇيۋ سياقتى داستۇرلەردى دە ورىنداپ جاتىر.
اۆتور: مۇحتار قاليموللا ۇلى