مەملەكەتتىك باعدارلامالار يپوتەكانى جانداندىردى

 ماۋسىم ايىنىڭ قورىتىندىسى بويىنشا ق ر ەكىنشى دارەجەلى بانكتەرىنىڭ يپوتەكالىق زايمدار سوماسى رەكوردتىق كورسەتكىش - 1,01 تريلليون تەڭگەنى قۇرادى. بۇل الدىڭعى ايدان% 1,4 (نەمەسە 14,1 ميلليارد تەڭگەگە) جوعارى. يپوتەكالىق پورتفەلدىڭ ەڭ ۇلكەن ءوسىمى، ياعني +4,8 ميلليارد تەنگە ەلوردادا بايقالادى. وسىلايشا استاناداعى يپوتەكالىق پورتفەل 229 ميلليارد تەنگەنى قۇراپ وتىر، بۇل رەسپۋبليكا بويىنشا كورسەتكىشتىڭ%   22,7  ى. سونداي- اق، يپوتەكا كولەمىن ارتتىرعان وڭىرلەردىڭ ۇزدىك ۇشتىگىنە قارجى ورتالىعى - الماتى (ءبىر ايعا +3,3 ميلليارد تەڭگە، 301,4 ميلليارد تەڭگەگە دەيىن) جانە اقتوبە وبلىسى (+855 ميلليون تەنگە، 53,5 ميلليارد تەڭگەگە دەيىن) ەنگەن. يپوتەكا نارىعى 2014 -جىلدىڭ ورتاسىنان وزگەرىسسىز بولدى جانە وتكەن جىلدىڭ سوڭىنا قاراي عانا ءوسىم كورسەتە باستادى. ال اعىمداعى جىلى وتكەن جىلمەن سالىستىرعاندا زايم كولەمى بىردەن% 15,5  عا ءوستى. وعان 2017 -جىلى باستالعان «نۇرلى جەر» مەملەكەتتىك باعدارلاماسى كوپ اسەرىن تيگىزدى. يپوتەكالىق نارىقتىڭ جاندانۋى تۇرعىن ءۇي نارىعىنىڭ دا بەلسەندى جۇمىس ىستەۋىنە ىقپال ەتتى. 2017 -جىلدىڭ شىلدە ايىندا قازاقستاندىقتار 19,49 مىڭ جىلجىمايتىن مۇلىك ساتىپ الىپ- ساتۋدى جۇزەگە اسىردى، بۇل وتكەن جىلدىڭ وسى ايىمەن سالىستىرعاندا %26,1 عا كوپ. قازاقستاندىقتار كوپقاباتتى ۇيدەگى پاتەرلەرگە كوبىرەك قىزىعۋشىلىق تانىتىپ وتىر

- بۇل جەردە كەلىسىم سانى ءبىر جىلدان ەكىنشى جىلعا بىردەن% 34,8 عا، 13,25 مىڭعا ءوستى. جەكەمەنشىك ۇيلەردەگى كەلىسىم سانى جىل ىشىندە % 14,1عا، 6,42 مىڭعا ءوستى. 2014-2016 -جىلدارى تۇرعىن ءۇي نارىعى توقىراۋدا بولدى. شىلدە ايىندا قازاقستانداعى جاڭا ۇيلەردىڭ شارشى مەترى ورتا ەسەپپەن 252,3 مىڭ تەڭگە بولدى، ول ماۋسىم ايىنداعىدان% 1,3 عا جوعارى. ەكىنشى دەڭگەيلى نارىقتا بارلىعى وزگەرىسسىز قالدى، پاتەردىڭ شارشى مەترىنىڭ باعاسى الدىڭعى ايمەن بىردەي - 188,1 مىڭ تەڭگەنى قۇرادى.