ونەرتاپقىشتىڭ جاساعان بۇل تۋىندىسى بۇگىندە كوپشىلىكتىڭ قىزىعۋشىلىعىن تۋعىزىپ وتىر، دەپ حابارلايدى قازاقپارات ح ا ا ءتىلشىسى. كيىز ءۇي پىشىندەس زاماناۋي تىركەمەنى اۆتور «قازاق ارباسى» دەپ اتاعان. يننوۆاتسيالىق جوبانى جاساۋ ءۇشىن شەبەردىڭ 6 اي ۋاقىتى كەتىپتى. وعان قاجەتتى بولشەكتەرىن شەتەلدەن الدىرتقان. ال ءۇيدىڭ ىشىنە جارىق كۇننەن الىناتىن قۋاتپەن جەتەدى. «مەن كيىز ۇيگە جاڭا تەحنولوگيانى ەندىرىپ، زاماناۋي ۇلگىدە جاساۋعا تىرىستىم. ونىڭ ساۋلەتى مەن ىشىندەگى تازالىعى بارلىعى دا الدىن الا ەسكەرىلگەن. ءبىزدىڭ ۇلتتىق قۇندىلىعىمىز دا كورسەتىلگەن. قازىر بۇل كيىز ۇيگە قىزىعۋشىلار كوبەيىپ وتىر» ، - دەيدى شەبەر ەركىنبەك بوكەنبايەۆ.
ونەرتاپقىش كيىز ءۇيدىڭ قولىنان شىققان ءۇشىنشى تۋىندىسى ەكەنىن ايتادى. ونىڭ سوزىنشە، بۇعان دەيىن جەمىس- جيدەك پەن كوكونىس ساتۋعا ارنالعان جىلجىمالى دۇڭگىرشەك جاساپ شىعارىپتى. ەندى بۇل جوبا «ەكسپو-2017» كورمەسى قوناقتارىنىڭ نازارىنا ۇسىنىلۋى مۇمكىن.
اۆتور: اينۇر اقبايەۆا