سولتۇستىك قازاقستان وبلىسىنىڭ استاناداعى مادەنيەت كۇندەرى اياسىندا ۇلتتىق مۋزەيدە كورمە ۇيىمداستىراتىن ءبىرىنشى ءوڭىر بولادى.
«كورمەدە مەشىتتەر مەن شىركەۋدىڭ مەتريكالىق كىتاپتارى، قازاق حاندىعىنىڭ تاريحى مەن 18- عاسىرداعى شەتەل ارحيۆتەرىنىڭ قۇجاتتارى مەن قۇجات كوشىرمەلەرى، «الاش» پارتياسى مەن «الاش وردا» قىزمەتىنە قاتىستى بىرەگەي قۇجاتتار ۇسىنىلادى»، - دەدى ارحيۆتىڭ ديرەكتورى ساۋلە ماليكوۆا.
كورمەگە وبلىستىڭ كيەلى جەرلەرىنىڭ كارتاسى، مەملەكەت باسشىسى نۇرسۇلتان نازاربايەۆتىڭ س ق و- عا جاساعان ساپارلارىنىڭ فوتوقۇجاتتارى قويىلادى.
«بىزدە ماعجان جۇمابايەۆتىڭ قولجازباسى بار. بۇل قۇجات بۇرىن قۇپيا ساقتالىپ كەلگەن. الايدا، ودان «اسا قۇپيا» تاڭباسى الىنىپ تاستالدى. قۇجات 1922-جىلدىڭ 20- تامىزى كۇنى وبلىستا اشتىق بولعان كەزدە جازىلعان»، - دەپ ءتۇسىندىردى ساۋلە ماليكوۆا.
«قازاقستاننىڭ جاڭا تاريحي بەلەسى» كورمەسى 24-26- تامىز ارالىعىندا قازاقستان رەسپۋبليكاسى ۇلتتىق ارحيۆىنىڭ كورمە زالىندا ساعات 11.00 دەن 18.00 گە دەيىن وتەدى.