اتالمىش اقپارات قۇرالى تاراتقان مالىمەتتەرگە قاراعاندا، ءوزىنىڭ 70 جاسقا تولعان مەرەيتويىن ءانشى ساردينيا ارالدارىندا ەڭ جاقىن دەگەن ادامدارىنىڭ ورتاسىندا عانا اتاپ وتپەك بولعان. وسى كۇنى ءانشىنىڭ جاقىندارى مەن تۋىستارى وعان كوپ ماقتاۋ سوزدەر مەن ادەمى تىلەكتەرىن ارنادى. ال ءوزىن تۋعان كۇنىمەن قۇتتىقتاعان جاپ-جاس جىگىتتەن ءانشى مۇنداي ارەكەت كۇتپەگەن ەدى.
كەيىننەن بەلگىلى بولعانىنداي وعان كوڭىلى تۇسكەن جىگىت كەزىندە «تۋربومودا» توبىنىڭ قۇرامىندا ونەر كورسەتكەن 37 جاسار مۋزىكانت الەكساندر پوپوۆ ەكەن. ول ءوزىنىڭ سوفياعا بۇرىننان عاشىق ەكەنىن جانە وزىنە ەرەسەك ايەلدەردىڭ ۇنايتىنىن اشىق ايتقان.
سونىمەن قاتار ول سوفيامەن ەكەۋىنىڭ اراسىنداعى 33 جاس ايىرماشىلىعىنا مۇلدەم قىمسىنبايتىنىن جەتكىزگەن.
سوفيا روتارۋ بۇرىن ۋكراينالىق مۋزىكانت اناتولي ەۆدوكيمەنكومەن نەكەگە تۇرعان جانە ودان ۇلدى بولعان. 2002 -جىلى اناتولي دۇنيە سالعان. بۇدان كەيىن سوفيا وتباسىن قۇرۋدى ويلاماپتى.
ال پوپوۆتىڭ وزىنە تۇرمىسقا شىعۋ جونىندەگى ۇسىنىسىنا ازىرگە سوفيا روتارۋ ەشقانداي جاۋاپ بەرگەن جوق.
دەرەككوز: uznayvse.ru