ومىردە ادامنىڭ بارلىعىندا مىناداي تىزىمدەر بولۋى ءتيىس. كۇندەلىكتى اتقاراتىن ىستەردىڭ ءتىزىمى بۇل ەڭ ىشىندە جالىقتىراتىن، قاجەتسىز ءتىزىم كورىنۋى مۇمكىن. دەگەنمەن سىزدە بۇل ءتىزىم بولسا ءىسىڭىز دە، ويىڭىز دا جيناقى بولادى. ەشقانداي كەزدەسۋدى ۇمىتپايسىز جانە وعان كەشىكپەيسىز. ادامداردى تۋعان كۇنىمەن قۇتتىقتاۋدى ۇمىت قالدىرىپ رەنجىتپەيسىز. اتقاراتىن ىستەرىڭىز رەتىمەن جازىلىپ تۇرعاندىقتان ءارقايسىسىن ورنىمەن، جۇيەمەن جاسايسىز. كرەاتيۆتى يدەيالار شىعارماشىلىق - كەنەتتەن قۇىلىپ تۇراتىن ۇدەرىس. ويىڭىزعا تىڭ نارسە كەلگەندە دەرەۋ جازىپ قويماساڭىز، ول ۇشىپ كەتەدى دە، باسقا بىرەۋدىڭ باسىنا قونادى. ءسىز ويلاپ جۇرگەندى باسقا بىرەۋ جۇزەگە اسىرىپ جاتقانىن كورىپ، قولىڭىزدى مەزگىلىنەن كەش سەرمەگەنشە، بىردەن تىزىمگە قوسىپ قويىپ، ورىنداۋعا اسىعىڭىز.
مىندەتتى تۇردە كورۋ كەرەك فيلمدەر ءتىزىمى
قازىر ەكى كۇن سايىن ءبىر فيلم جارىق كورەدى دەسەك ارتىق ايتقاندىق بولماس. ولاردىڭ بارلىعىن كورىپ ۇلگەرۋ مۇمكىن ەمەس. ىشىندەگى تاڭداۋلى فيلمدەردى عانا كورىپ، ەستەتيكالىق ءلاززات الىپ، رۋحاني جانىڭىزدى بايىتقىڭىز كەلسە، وزگەلەر ۇسىنعان جانە وزىڭىزگە كوزگە تۇسكەن فيلمدەردىڭ ءتىزىمىن جازىپ ءجۇرىڭىز.
وقيتىن كىتاپتار ءتىزىمى
كينوعا قاتىستى جاعدايدى كىتاپتارعا دا بايلانىستىرىپ ايتۋعا بولادى. نە وقيمىن دەپ ساندالماي، الدىڭىزدا ءتىزىم دايىن تۇرسا، قولىڭىز قالت ەتكەندە وزدىگىڭىزدەن كىتاپقا باس قويۋدى ادەتكە اينالدىراسىز. ال بۇل ادەت ەرتەڭ ەشكىمگە قول جايماي، الدەكىمنىڭ كەڭەسىنە مۇقتاج بولماي ءومىر ءسۇرۋدىڭ باسپالداعى دەپ ءبىلىڭىز.
ارماندار ءتىزىمى
مۇنداي دا ءتىزىم بولا ما دەپ ويلاۋىڭىز مۇمكىن. پسيحولوگتار قالاۋىڭىزدى قاعاشزعا جازعان سايىن ورىندالۋ ىقتيمالدىعى ارتاتىنىن ايتادى. ال ءبىر كۇنى ارمانىڭىز تاۋسىلىپ قالسا شە؟ ومىردەن نە قالايتىنىڭىزدى ءوزىڭىز دە بىلمەي، بارلىعىنان بەزىنىپ كەتەتىن كەزدەر باسىڭىزدان ءوتتى مە؟ مۇندا جاعدايدىڭ الدىن الۋعا ارماندار ءتىزىمى كومەكتەسەدى. ونى ساقتاڭىز، قورعاڭىز، ىسكە اسىرىڭىز. قىزىقتى جاعدايلار وتكەن ءومىرىڭىزدى كينو لەنتاسىنداي كوز الدىڭىزدان وتكىزىڭىز. ەشقانداي قىزىق وقيعالار ەسىڭىزگە تۇسپەدى مە؟ ولاي بولسا وسى پاراقتى تولتىرۋدى سەبەپ قىلىپ بۇگىننەن باستاپ ءومىرىڭىزدى قىزىققا تولتىرۋدى قولعا الىڭىز.
ىستەۋگە بولمايتىن ىستەر
ادامدار «جۇمىسقا بارۋىم كەرەك» ، «كىتاپ وقۋىم كەرەك» ، «دوستارىما حابارلاسۋىم كەرەك» دەگەن وڭكەي «كەرەك» - تەن قۇرالعان تىزىمدەرگە ۇيرەنىپ قالعان. ال سىزدە «كەرەك ەمەس» دەگەن ءتىزىم دە بولسىن. تەەلديدار الدىندا قۇر جاتۋعا بولمايدى، اعزانى زياندى تاعامدارمەن قورلاماۋ، وتىرىك ايتپاۋ، وسەك ايتپاۋ - وسى سىندى وزىڭىزگە زيان كەلتىرەتىن ارەكەتتەر ءتىزىمىن دە جاساپ قويىڭىز. سونىمەن بىرگە ومىردە ءبىرىنشى رەت ىستەگەن ىستەرىڭىزدىڭ، ءبىرىنشى رەت بولعان جەرىڭىزدىڭ تىزىمدەرىن جازىپ جۇرۋگە دە بولادى. ال ءسىز قانداي تىزىمدەر ۇسىنار ەدىڭىز؟
Massaget.kz