قىركۇيەك ايىنىڭ باسىندا ول وڭتۇستىك كورەياعا اتتانادى، دەپ حابارلايدى tvk-uko.kz.
ءبىر اي بۇرىن tvk-uko.kz ارناسىندا كولىك اپاتىنان بەتىن جاراقاتتاپ العان مادينا سادۋوۆا تۋرالى سيۋجەت شىعىپ، وعان الەۋمەتتىك جەلىلەردە ۇلكەن قولداۋ كورسەتىلگەن بولاتىن. سول ۋاقىتتا كورەيالىق كوسمەتيكا كومپانياسى ءوزىنىڭ «ينستاگرام» پاراقشاسىندا كورىكتى بولعىسى كەلەتىن قىزدار اراسىندا سايىس ۇيىمداستىرىپ جاتقان ەدى. جۇزدەگەن وتىنىشتەردىڭ اراسىنان ۇيىمداستىرۋشىلار مادينانى تاڭدادى.
«مادينانى قازىلار القاسى ءبىراۋىزدان جەڭىمپاز دەپ تاڭدادى. ونىڭ بار قۇجاتتارىن ءبىز وڭتۇستىك كورەيانىڭ كلينيكالارىنا جىبەردىك. مۇنداي قيىن وتانى جاساۋعا تاۋەكەل ەتەتىن ماماندى تابۋ ءۇشىن ءبىراز قينالدىق»، - دەيدى كورەي كوسمەتيكالىق ورتالىعىنىڭ ديرەكتورى جاينار مۇقاتاي قىزى.
ورتالىق ديرەكتورى قىزعا سەرتيفيكاتتى جەكە تابىستاۋ ءۇشىن شىمكەنتكە كەلگەن.
ەستەرىڭىزگە سالا كەتەيىك، كولىك اپاتىنان شاردارا اۋدانىنىڭ تۇرعىنى مادينا سادۋوۆا دەنەسىنىڭ 5 ىن 4 دارەجەلى كۇيىك شالعان. دەنساۋلىعىنا زيان كەلتىرۋمەن قاتار ول پسيحولوگيالىق ۇلكەن سوققى الدى. كولىك اپاتى كەزىندە ونىڭ جولداسى كوز جۇمعان. كورەيادا مادينانى ءبىر ەمەس، ءۇش وتا مەن ارى قاراي رەابيليتاتسيالىق كەزەڭ كۇتىپ تۇر. مادينا جاڭا ءومىر باستاۋعا مۇمكىندىك بەرگەن بارلىق جاناشىرلارىنا ۇلكەن العىس ايتادى.