بۇل تۋرالى يران پرەزيدەنتى حاسان روۋحاني مالىمدەدى، دەپ جازادى ت ا س س. «ەگەر ولار (ا ق ش) وسى ادىستەردى (سانكسيا) قولدانعىسى كەلسە، ءبىز از ۋاقىتتىڭ ىشىندە - ءبىر اپتا ەمەس، ءبىر اي ەمەس، بىرنەشە كۇن نەمەسە بىرنەشە ساعات ىشىندە بۇرىنعى جاعدايىمىزعا ورالامىز (يادرولىق كەلىسىم جاسالعانعا دەيىنگى)»، - دەدى روۋحاني.
ايتا كەتەيىك، 2015-جىلى 15- شىلدەدە يران مەن الەمدىك «التىلىقتىڭ» تەگەراننىڭ يادرولىق باعدارلاماسىنا قاتىستى كەلىسسوزى ناتيجەلى اياقتالىپ، تاراپتار كەلىسىم جاساسقان ەدى.
وعان سايكەس يران ءوز اۋماعىنداعى يادرولىق نىساندارعا حالىقارالىق اتوم ەنەرگياسى اگەنتتىگى (ماگاتە) تەكسەرۋشىلەرىن جىبەرۋگە، ال باتىس ەلدەرى يرانعا سالىنعان سانكسيالاردى بىرتىندەپ الىپ تاستاۋعا مىندەتتەمە العان.