قازاق قىزى قازاقستاننىڭ باس اۆياتسيالىق ينسپەكتورى قىزمەتىنە تاعايىندالدى
12:54, 15 - تامىز 2017
استانا. قازاقپارات - توتى ءامىروۆا ق ر ينۆەستيتسيالار جانە دامۋ مينيسترلىگى جاۋاپتى حاتشىسىنىڭ بۇيرىعىمەن ازاماتتىق اۆياتسيا كوميتەتى ءتوراعاسى ورىنباسارىنىڭ مىندەتىن اتقارۋشى-باس مەملەكەتتىك اۆياتسيالىق ينسپەكتور بولىپ تاعايىندالدى.
بۇل تۋرالى ۆەدومستۆونىڭ باسپا ءسوز قىزمەتى Facebook-تەگى پاراقشاسىندا ءمالىم ەتتى.
«ءتوراعا ورىنباسارى-باس مەملەكەتتىك اۆياتسيالىق ينسپەكتور ت. ءامىروۆا اۋە كومپانيالاردىڭ ۇشىۋ ەكسپلۋاتاتسياسى، اۋە كەمەلەرىنىڭ تەحنيكالىق احۋالىن باقىلاۋ، ۇشقىشتاردى ليتسەنزيالاۋ ماسەلەلەرىنە، سونداي-اق ۇشۋلار قاۋىپسىزدىگىنە بايلانىستى وزگە دە قاداعالاۋ ماسەلەلەرىنە جەتەكشىلىك ەتەتىن بولادى»، - دەلىنگەن حابارلامادا.
ايتا كەتەيىك، توتى ءامىروۆا ت م د ەلدەرىندە «بوينگ-737» ۇشاعىن تىزگىندەگەن جالعىز ۇشقىش ايەل.