ءيتتىڭ قۇلاعى مەن قۇيرىعىن كەيدە اسەمدىك ءۇشىن، كەيدە ءيت توبەلەستىرەتىندەر قارسىلاسىنا وڭاي جەڭىلمەسىن دەگەن ماقساتتا كەسىپ جاتادى.
ايتسە دە، ەكى جاعدايدىڭ ەكەۋى دە - ءيتتىڭ قۇلاعىن نەمەسە قۇيرىعىن كەسۋگە سەبەپ ەمەس. قۇران كارىمدە شايتاننىڭ مىنا ءسوزى كەلتىرىلەدى: «شايتان بىلاي دەدى: «...ولارعا مالداردىڭ قۇلاقتارىن كەسىڭدەر دەپ بۇيىرامىن». اياتتا «مالداردىڭ» دەپ كەلگەنىمەن، حايۋاننىڭ قاي-قايسىسىنىڭ بولسا دا قۇلاعى مەن قۇيرىعىن ەرمەككە كەسۋگە بولمايتىندىعىن اڭعارۋ قيىن ەمەس.
ءبىراق، قىردا شوپاندىقپەن اينالىساتىندار وتاردى قورعاشتاپ جۇرگەن توبەتتەرىنىڭ قۇلاعى مەن قۇيرىعىن قاسقىرمەن جولىعا قالسا، جاندى جەرىنەن وپىق جەپ جۇرمەسىن دەگەن ماقساتتا كەسىپ جاتسا، ونىڭ اعاتتىعى بولماس. ەڭ دۇرىسى - اللاعا ءمالىم!
قاجەتتىلىك بولعان سەبەپتى مالدىڭ قۇلاعىنا ەن سالۋعا رۇقسات. حاديستەردە پايعامبارىمىزدىڭ (س. ع. س.) قويدىڭ قۇلاعىنا تاڭبا باسقاندىعى ايتىلادى [ساحيح بۋحاري].