دۇيسەنبى كۇنى كيم چەن ىن كورەي حالىقتىق ارمياسىنىڭ ستراتەگيالىق كۇش قولباسشىلىعىندا بولدى، دەپ حابارلايدى «قازاقپارات» ح ا ا كورەي ورتالىق تەلەگرافتىق اگەنتتىگىنە (كوتا) سىلتەمە جاساپ.
ك ح د ر كوشباسشىسى «كورەي تۇبەگىندەگى جاعدايدى كۇردەلەندىرىپ وتىرعان» ا ق ش- قا «سانالى تۇردە» «اعىمداعى جاعداي قاي تاراپقا قولايسىز بولاتىندىعىن» تارازىعا سالىپ باعامداۋعا كەڭەس بەردى»، - دەپ جازعان كوتا ۆاشينگتوندى «ك ح د ر- عا قارسى مەنمەنشىل ارانداتۋشىلىقتى توقتاتۋعا جانە ءوزىنىڭ ءبىرجاقتى تالاپتارىنان باس تارتۋعا» شاقىردى.
حابارلامادا سونداي-اق، ەگەر ا ق ش «كورەي تۇبەگى مەن ونىڭ توڭىرەگىندەگى ايماقتا ءوزىنىڭ توتەنشە قاۋىپتى جانە اقىلعا قونىمسىز ارەكەتتەرىنەن باس تارتپاسا» پحەنيان ماڭىزدى شەشىم قابىلدايتىندىعى ايتىلعان.
سولتۇستىك كورەيا كوشباسشىسى اسكەريلەر «پارتيا شەشىم قابىلداعان كەز-كەلگەن ۋاقىتتا دايىن بولۋلارى تيىستىگىن» اتاپ ءوتتى.
بۇعان قوسا، كوتا كيم چەن ىن «يانكيلەردىڭ اقىلعا قونىمسىز ءارى البىرت ارەكەتتەرىن تاعى ءبىراز باقىلاعىسى كەلەتىندىگىن» حابارلادى.
وتكەن اپتادا ا ق ش پرەزيدەنتى دونالد ترامپ جۋرناليستەرگە پحەنيان ۆاشينگتون تاراپىنا قوقان-لوقى كورسەتۋىن دوعارۋى تيىستىگىن مالەمدەگەن بولاتىن. ول بۇل ارەكەتتەرگە «الەم بۇعان دەيىن كورمەگەن وتپەن جانە قاھارمەن» جاۋاپ قايتارۋعا ۋادە ەتتى.